دجاج مشوي 

المقادير :
دجاجة 
طماطم مبشورة 
بصل مبشور
بهارات
ملح 
فلفل اسود
عصير ليمون 

الطريقة :
1- اضع في بولة الطماطم والبصل والملح والفلفل والبهارات واللمون وانقع الدجاجة في الخلطة .

2- واغطيها وادخلها الثلاجة ليلة كاملة وتكون الدجاجة مقطعة فراشة او مفتوحة من الظهر .

3- احضر صنية امسحها زيت واضع الدجاجة بالخلطة  وادخلها الفرن حتي تمام النضج .
خضار سوتية 

المقادير :
بطاطس
كوسة 
جزر 
كوب شوربة 
ملح
فلفل اسود

الطريقة :
1- اقوم بتقطيع البطاطس والجزر والكوسة تقطيعات مستطيلة .

2- اضعها في حلة علي النار اضع الشوربة لو مفيش اضع ماء وزبدة .

3- اضع ملح وفلفل واتركهم علي نار هادية واغطيهم حتي تمام النضج .

مكرونة خضراء 

المقادير :
مكرونة مسلوقة 
ربطة شبت
ربطة بقدونس 
ربطة كسبرة 
بصل
ملعقة كبيرة ثوم مفروم
ملح
فلفل اسود
زيت 

الطريقة :
1- طاسة علي النار اضع بصلة مع القليل من الملح واقوم بتغير لونها .

2- انزل الثوم وادبلو مع البصل اضع في الخلاط الخضرة مع القليل من الماء وافرمهم .

3- انزل الخضرة علي البصل والثوم واتركها علي النار لغاية متتقل واضع ملح وفلفل اسود.

4- اضع المكرونة واقلبها واقدمها والف هنا .

خبز هش بالزبادي 

المقادير :
3كوب دقيق
2علبة زبادي
نصف كوب زيت
ملعقة كبيرة خميرة 
ملعقة كبيرة سكر 
رشة ملح
ماء للعجن 
للوجة :
زبادي 
سمسم 

الطريقة :
1- في العجان اضع الدقيق والملح والسكر والخميرة واقلب اضع الزبادي والزيت .

2- يتعجنو انزل بالماء حتي احصل علي عجينة طرية واغطيها واتركها تختمر .

3- اقوم بتقسيم العجينة الي كورات متساوية الحجم وابططو زي القرص بس بيكون اتخن .

4- اضعة في صنية واتركة يختمر مرة اخري واضع زبادي علي الوجة وسمسم  وادخلو الفرن لتمام النضج .

مهلبية شيكولاتة بالبسكوت 

المقادير :
3كوب لبن
3ملعقة كبيرة نشا
3ملعقة كبيرة سكر 
ملعقة كبيرة كاكاو 
بسكوت 
فورماسيلو 

الطريقة :
1- اضع اللبن علي النار انزل السكر وادوبو لو اللبن لسة بارد انزل الكاكاو والنشا .

2- لو اللبن سخن ادوب النشا وادوب الكاكاو وانزلهم مع التقليب حتي يغلي .

3- احضر الكاسات اضع في القاع البسكوت اكسرو بالكمية الي تفضليها .

4- انزل المهلبية سخنة وازين بالبسكوت وفورمايسيلو واضعها في الثلاجة .