البيتي فور 

المقادير :
3كوب دقيق
كوب سكر بودرة 
كوب وربع سمنة 
3باكو فانيليا 
2بيضة 
ملعقة كبيرة كاكاو 
ربع ملعقة صغيرة بيكينج بودر 
رشة ملح
ملعقة كبيرة قهوة سريعة الذوبان 
للتزيين :
مربي
فورماسيلو 
جوز هند
سوداني مجروش 
شيكولاتة بيضاء سايحة
شيكولاتة غامقة سايحة 

الطريقة :
1- في بولة او العجان اضع السكر والسمنة وامزجهم جيدا بالمضرب اليدوي انزل عليهم البيض والفانيليا واخلط لازم يتداخلو .

2- انزل الدقيق ورشة ملح وبيكينج بودر واقوم بعجنها واقوم بتقسيم العجينة نصفين ممكن انزل علي نص الكاكاو او اقوم باذابة القهوة في بيضة واضعها علي النص التاني عاوزة نص كاكاو وابيض حسب رغبتك عاوزة قهوة وكاكاو او ابيض حسب رغبتك .

3- اضع الكاكاو واقلبهم مع بعض لو لقتها ناشفة احط زيت بسيط لغاية متنعم في ايدي واقوم بلصق الابيض والكاكاو في بعض وانزلهم في كيس حلواني .

4- احضر صنية مدهونة زيت  واقوم بتشكيل البيتي فور فيها واقوم بادخااله الفرن سخن علي 180 درجة لمدة 10 دقائق  لتمام النضج وتطلع تبرد وازينها حسب رغبتك .