لو عندك لبن قطع منك او راب منك ممكن تعملي بيه وصفات كتيرة هنتكلم عن واحدة بس منها وهي وصفة انتو بتشتروها من بره وبتكون غالية جدا سيدات كتير ميعرفوش ايه هو استخدمات اللبن الرايب وميعرفوش ممكن يعملو بيه اية في ناس كتير بترمية وتقلك باظ خلاص لانهم بيجهلوا مدي فيدتة في كثرة استعملاتة الكثيرة طبعا احنا اتكلمنا عن اللبن تعالو بقا نتكلم عن الوصفة احنا هنعمل من اللبن القاطع مونزاريلا واحلا من الي بنجبها من بره كمان الف مرة وتحدي طبعا تعالو نعرف الوصفة ومقاديرها 
المونزاريلا 

المقادير :
لبن رايب 
طاسة قديمة 
ربع كوب خل 

الطريقة :
1- اقوم بوضع الطاسة علي النار واضع عليها اللبن واقوم بتهدئة النار واقوم بالتقليب يدفا بسيط انزل الخل .

2- ابدء الم اللجبنة وافضل الم فيها الم فيها طول منا وقفة وتسخنيها بالمية وتلمي فيها وتنزليها في المية وتلميها .

3- طبعا بتلمي فيها كتير لغاية متشديها تلاقيها بتمط المطة المظبوطة كل متعد في سخونة المية وتمطي فيها في المية وانتي بتلميها هتعطيكي المطة المظبوطة .

4- هتطلعي الجبنة وتعصريها من المية كويس جدا هتسيبي الجبنة تبرد تماما خطيها في استرتش ودخليها الفليزر تجمد وبعدين تبشريها  والشرش بتحتفظي بيه لحفظ الجبنة القريش .

ملاحظات :
1- لازم الخل يتحط واللبن دافي والنار تكون هادية جدا لان ممكن تتلسع .
2- لازم الم في الجبنة بالمعلقة بسرعة وتنزيلها في المية السخنة بتسعدها علي المطة .
3- متستعجليش عليها حتي تصبح الجبنة بالمطة المظبوطة .
4- لو هتحتفظي بيها في الثلاجة احتفظي فيها في الشرش بتاعها .
5- لو هتحتفظي بيها ومش هتستعمليها علي طول ضيفي نصف ملعقة صغيرة ملح ليمون مع الخل .
6- لازم تتعصر من المية كويس جدا وتدخل الفليزر حتي تصبح جاهزة للبشر .