طبعا الاندومي كبار وصغيرين بيحبوة جدا بس من بره مش مضمون لاننا منعرفش طريقة تصنيعة ولا المكونات الي داخلة فيه والاطفال بقم مدمنين اندومي بس بيوصلنا كلام انو مش كويس خالص علي الاطفال وكمان التوابل الناشفة الي معاه مش كويسة علي الاطفال بتعمل تاخر عقلي وامراض تانية كتير عشان كده حبينا نوفر عليكم المبالغ الكبيرة الي بتدفعوها في الاندومي وكمان يكون في البيت اضمن وهيكون باذن الله زي الي بره بل احلي كمان وعن تجربة جربوة وقولو رايكم فيه تعالو يالا نعرف الطريقة والمقادير اية .

الاندومي
المقادير :
مكرونة اسباجتي مكسورة 4
مرقة دجاج او لحمة
ملعقة صغيرة ملح
ملعقة صغيرة ثوم بودرة
ملعقة صغيرة بصل بودرة
ملعقة صغيرة كمون
ملعقة صغيرة بابريكا
1/2 ملعقة صغيرة فلفل اسمر
1/2 ملعقة صغيرة كركم
2ملعقة صغيرة زيت

الطريقة :
1- قومي بوضع المرقة علي النار تغلي نزلي فيها المكرونة تتسلق .

2- حطي طاسة علي النار نزلي كل التوابل شوحيهم نزلي الزيت عليهم وقلبيهم حتي تظهر رائحتهم .

3- لو حبو تسبية بالفراخ يبقا تنزلي ليه شوية من التوابل المتشوحة وتتاكل كده وطبعا بتعملي الكميات حسب الافراد .

4- لو حبة تعملية بالخضاراسلقي الخضار ونزليه في طاسة مع معلقة كبيرة صويا صوص وشوحيهم ونزليهم علي المكرونة ويبقا اندومي بالخضار .

5- لو بتحبوة ودايما بتعملوة زودي كمية التوابل وحطيها في برطمان بعد متبرد او علبة مغلقة واكتبي عليها توابل الاندومي وسهل عليكي كل حاجة بعد كده لو عجبتكم الوصفة اكتبولي في التعليقات وقلولي محتاجين اي تاني انزلهولكم .