اليكم افضل الاكلات لعمل احلا واشهي عزومة من برنامج العزومة لو عندك عزومة مترتبة او جت فجاءة متشليش هم خالص ان شاء الله مع برنامج العزومة هتكوني قد اي عزومة سفرتك هتكون دايما مشرفاكي هتتعرفي علي طريقة لاحلا الاكلات واسرارها وهتعرفي ازاي تعملي اتيكيت الاكلات في برنامج العزومة هتتعرفي علي كل الاسرار .

الفراخ المشوية في الفرن
المقادير :
فرخة وزن كيلو ونص
بصلة مقطعة ارباع
طماطم ارباع
2فص ثوم
ربع كوب عصير ليمون
ربع كوب زيت
2ملعقة كبيرة كاتشاب
ملعقة كبيرة عسل
ملح
فلفل اسود
ملعقة صغيرة كمون
ملعقة صغيرة كسبرة ناشفة
رشة حبهان
1/2 ملعقة صغيرة جنزبيل
1/2 ملعقة صغيرة قرفة
ملعقة كبيرة زعتر جاف
للبوكية جارنية :
2بصل شرائح
2طماطم شرائح
2جزر شرائح
ورق لورا

الطريقة :
قومي بعمل التتبيلة ضعي في الخلاط الطماطم والبصل والتوابل كلها والعسل والزيت والكاتشاب والثوم واخلطيهم جيدا .

2- قومي بتقطيع الفرخة بفتحها من الصدر وتركها كاملة او تقطيعها اجزاء ونزلي عليها التتبيلة وقلبيهم مع بعض او دخليها بين الجلد واللحم لو زي الفراشة .

3- غطيها واتركيها في الثلاجة في التتبيلة يوم كامل احسن او اقل حاجة ساعتين اجيب صنية احط فيها البصل والطماطم والجزر وورق اللورا وانزل عليها الفرخة بتتبيلتها واغلفها بالفويل وادخلها علي ارضية الفرن علي نار عالية تغلي وتدخل في السوا احطها تحت الشواية ع نار هادية تكمل سواها .
الارز المعمر

المقادير :
2كوب ارز مصري
2ونص كوب لبن مغلي
2علبة زبادي
2ملعقةكبيرة قشطة
2ملعقة كبيرة زبدة
ملعقة صغيرة سكر
ملعقة صغيرة ملح

الطريقة :
1- احضر طاجن اقوم بدهنة بالزبدة والرز يكون منقوع ساعة ومتصفي كويس هنزلة في الطاجن وانزل اللبن والسكر والملح اقلبهم كويس جدا .
2- انزل الزبادي علي الوش واوزع الزبدة والقشطة علي الوش واقوم بادخالة الفرن علي ارضية الفرن علي درجة حرارة عالية لغاية مالوش يتحمر ويستوي هتعرفية ازاي لما يكون مسك نفسو .

كيك الشاي
المقادير :
2كوب دقيق
كوب زيت
كوب ونصف سكر
كوب من اللبن الرايب
ملعقة صغيرة فانيليا
باكو بيكينج بودر
رشة ملح
صوص الحليب المكثف
المقادير :
كوب لبن بودر
كوب سكر بودر
1/3كوب ماء ساخن
ملعقة زبدة
للتزيين :
جوز هند محمص

الطريقة :
الكيك :
1- في العجان او بالمضرب الكهربائي انزل الض والفانيليا واضرب لغاية ميبقا لونة ابيض وانزل السكر واكمل ضربهم لغاية معلو ويبقو لونعم ابيض زي الكريمة .

2- انزل الزيت ونرجع نخلط تاني هجيب بولة وانزل فيها الدقيق والبيكينج بودر المنخولين ورشة ملح وهبتدي اضيف الدقيق للعجان يندمجو اجيب القالب مدهون زيت ومتبطن بالدقيق وانزل الكيكة وادخلها فرن علي 180 درجة لغاية متستوي مدتة 45 دقيقة بعد اختبارها بخلة من النص .
ازين الكيكة بالصوص وانزل عليهم جوز الهند .
الصوص :
في الخلاط انزل اللبن والسكر والزبدة والمية واخلطهم مع بعض كويس جدا حتي يصبح صوص متجانس .