سنعرفكم انهاردة علي طريقة حلوة جدا وسهلة جدا لعمل عجينة البف السهلة جدا وهتكفيكي وهتفيض ممكن تستخدميها كلها وممكن تخزي منها كمان في الفليزر في اطباقلووقت متحتاجيها هتعملي منها حلو وحادق هتعجبك جدا جربيها وان شاء الله تعجبك .

عجينة البف
المقادير :
5كوب دقيق
1/2 ملعقة صغيرة ملح
ربع كوب زيت وسمنة
ملعقة كبيرة سكر
ملعقة كبيرة بيكينج بودر
2ملعقة كبيرة لبن بودر
ماء للعجن
للفرد:
نشا ودقيق
الحشوات الحادق:
سوسيس
دبابيس فراخ مسلوقة
خضار مشكل سوتية
جبن شيدر -مونزاريلا
جبنة فيتا
حبة البركة
سمسم
حشوات الحلو :
ملعقة كبيرة زبدة
ملعقة كبيرة قرفة
ملعقة كبيرة سكر
تفاح اخضر مكعبات
1/2 كوب صوص كراميل
1/2 كوب صوص شيكولاتة
جبنة كريمي

الطريقة :
1- في العجان انزل الدقيق واللبن البودر والملح واخلط وانزل البيكينج بودر والسكر والزيت والسمنة واخلطهم كويس جدا لغاية ميتشرب الدقيق المادة الدهنية .

2- انزل الماء وحده وحده واعجن حتي تصبح العجينة تكون متماسكة مش لينة اغطيها واتركها ساعة ترتاح .

3- احط علي الرخام نشا ودقيق وابدء افرد من النص علي ادام ومن النص علي ورا لغاية ميكون سمك العجينة نص سم .


4- ابدء اقطع دوائر واعمل ميكس شيدر ومونزاريلا وحبة البركة واحشيها واقفلها زي اللقطايف وزيادة تاكد اقفل عليها بالشوكة .

5- حشوة تانية جبنة فيتا وبقدونس وابدء احشي بيها ممكن اقفلها كتغيير زي السرة كده ممكن اعمل مربعات من العجينة واشكلها بنفس شكل الدبابيس واغطيها بحبة البركة .

6- ممكن اعمل شرائح من العجينة واجيب استكس ادخلة في السوسيس واقفل عليه بالعجينة واقطع الزيادة  ممكن اعمل ميكي من الخضار السوتية والجبنة الشيدر واقوم بغلق العجينة اي شكل ممكن بردو نعملها بشكل القطايف .

7- طاسة علي النار اضع الزبدة والسكر والقرفة والتفاح واقلبهم 5دقايق مع بعض واتركهم يبردو واقوم بحشوهم واحشي الجبنة الكريمي بردو وابدء اسخن زيت واحمر كل ده ممكن تحشيهم وتضعيهم في طبق فبر وتغلفيهم بللاستيك وتحطيهم في الفليزر لوقت تاني .