الكانيلوني

العجينة :
المقادير :
2كوب دقيق
2كوب لبن
1/2ملعقة صغيرة ملح
رشة سكر
ملعقة كبيرة خل
2ملعقة كبيرة زيت
2بيضة
الحشو :
ربع كيلو لحمة مفرومة
ميكس جبن
2بصل مفروم
رشة بهارات
رشة حبهان بودر
ملح
فلفل اسود
للوجة :
2ملعقة كبيرة صلصة
ملعقة كبيرة دقيق
كوب لبن
ملعقة كبيرة قشطة
ملعقة كبيرة زبدة
ملح
فلفل اسود

الطريقة :
1- في بولة ابدء انزل الدقيق والملح والسكر واقلب انزل الخل والزيت والبيض واقلبهم وانزل اللبن مع الخلط ممكن استعمل الخلاط او المضرب اليدوي او الكهربائي او الكبة .

2- اترك العجينة ترتاح ربع ساعة وابدء اعمل الحشو طاسة علي النار انزل زيت واسيبة يسخن انزل البصل ومعاه ملح وفلفل البهارات والحبهان واقلب البصلة لغاية متتدبل انزل اللحمة واقلبها لغاية متستوي ورشة بسيطة من السكر واظبط الملح .

3- في طاسة علي النار ومسحة زيت بسيطة جدا وانزل بالكبشة في الطاسة وابدء الف الطاسة لغاية ميكون قرص خفيف خالص لما يستوي حروفة بتقب وتسيب الطاسة اقلبة ثانية واطلعة علي فوطة نضيفة .

4- جهزنا الحشو وجهزنا الكريب ابدء اعمل حاجات الوجة للكانيلوني حلة علي النار انزل الزبدة تسيح انزل الدقيق واقلب فيه لغاية ميستوي انزل اللبن يكون بارد مع التقليب المستمر لعدم وجود اي كلكعة انزل القشطة مع التقليب حتي احصل علي قوام مناسب للبشاميل ولازم يغلي اطفي عليه واحط ملح وفلفل اسود.

5- اجيب قالب بيريكس وابدء اخد واحده كريب احط فيها كمية من الحشوفي النص واحط جبن واعملها مربعات  وابدء ارص في البيريكس وهكذا لغاية مخلص الكمية والقالب يتملا افك الصلصة بشوية مية واوزعها علي مربعات الكريب وانزل البشاميل واحط ميكس جبن وادخلها الفرن سخن علي 180 درجة البشاميل يستوي والجبن تسيح .