طاجن ورق عنب باللحمة

المقادير :

ورق عنب
ملح
كمون
زيت
2بصلة كبيرة مقطعة صغير
2كوب ارز مغسول
2كوب صلصة
جزمة خضرة من كل نوع مفرومة
1/2حزمة نعناع مفرومة
شوربة سخنة
2ملعقة كبيرة دبس رمان
فلفل اسود
كسبرة
بهارات السبعة
لحمة مكعبات
مستكة
ورق لورا
رشة حبهان

الطريقة :

1- اول حاجة اختار ورق العنب يكون ناعم انضفة من الفروع واجيب حلة صغيرة علي النار فيها ملح وملعقة كبيرة كمون وملعقتين كبار من الزيت المية تغلي انزل رصة الورق ولما تغلي اقلبها براحة من غير مبهدلها  تغير لونة من اخضر الي بني اطلعو في طبق وهكذا .
2- ابدء اعمل الخلطة علي البصل انزل ملح وكمون وكسبرة وبهارات السبعة وفلفل اسود واقوم بتقليب كل البهارات مع البصل وانزل الارز والخضرة والنعناع والصلصة واقلب كل المكونات مع بعض مع شوية من الزيت .
3- ابدء احشي الحشوة جوة ورق العنب وارصهم في طبق الاول عشان يسهل عليا رصهم في الحلة .
4- علي النار احط حلة انزل زيت يسخن انزل فص مستكة وورقتين من اللورا ريحتهم تظهر انزل اللحمة وابدء اقلبها لغاية متاخد لون وانزل معاها رشة حبهان وملح ورشة سكر ورشة من البهارات السبعة ولازم الملح يكون رشة بسيطة خالص اهدي النار عليها واسبها تستوي في عرقها 3/4 سوا.
5- احضر حلة واحط شرائح بصل وشرائح طماطم وعيدان الخضرة وفصوص ثوم كاملة وبعض من اوراق العنب اللي مستعملتهاش وابدء انزل اللحمة وارص ورق العنب بدون اي فراغات وانزل الشوربة السخنة واهز الحلة كويس جدا عشان الشوربة تتغلل المحشي وانزل علي الوجة دبس الرمان.
6- اغطي المحشي بطبق عشان لما يغلي ميفكش واغطي بالغطا يغلي اهدي النار واسيبة يستوي كويس واقدمة والف هنا .