كحك العيد

المقادير :

كيلو دقيق
2كوب ونصف سمنة
3ملعقة كبيرة سمسم محمص
3ملعقة كبيرة لبن بودرة
رشة ملح
ملعقة كبيرة سكر
ملعقة كبيرة بيكينج بودر
ملعقة كبيرة خميرة فورية
نصف كوب لبن او ماء
ربع كوب ماء دافيء
للحشو:
ملبن او عجوة
للتزيين :
سكر بودرة

شاهد ايضا : حلويات العيد- بسكون النشادر- البيتى فور- كحك العيد

الطريقة :

1- اضع الخميرة والسكر في ربع كوب ماء دافيء واقلبهم واتركهم علي جمب حتي يتضاعف حجمها .
2- في بولة انزل الدقيق والبيكينج بودر والملح والسمسم واللبن البودرة واقلبهم انزل السمنة وابدء ابس العجين لغاية ميتشرب كل الدقيق السمنة .
3- انزل الخميرة واعجن وانزل اللبن واعجنهم كويس العجينة بتكون سايبة نفسها لكن لما اجي اشكلها بتتشكل معايا بسهولة جدا اغطيها واسيبها تخمر في مكان دافيء.
4- عجنت الملبن في ملعقة كبيرة من السمسم والسمنة وعجنتهم مع بعض وشكلتهم كور صغيرة وعلي النار في ملعقة كبيرة سمنة والسمسم وعجنت العجوة وسيحتها ولما بردت شكلتها اصابع عشان اميز العجوة والملبن .
5- بعد مالعجينة اختمرت هشكلها بقا علي حسب الرغبة مع استخدام الحشو وهرصهم في صواني ممكن انقشهم وممكن اعملهم بالبصامة حسب المتوفر وهدخلهم فرن سخن علي درجة حرارة 200 لغاية ميكونو باللون الدهبي واقدمهم مع السكر البودرة وقت التقديم فقط والف هنا .