شيش كباب السمك 

المقادير :

تتبيلة الشيش :
ربع كيلو فلفل رومي وحامي
راس ثوم
1/2 كوب خل
1/2 كوب عصير ليمون
ملعقة كبيرة كمون
2ملعقة كبيرة ملح
ملعقة كبيرة كسبرة ناشفة

الشيش :
كيلو سمك فيلية مكعبات
ملعقة كبيرة مستردة
استكس
فلفل الوان مربعات
بصل مربعات

الطريقة :
التتبيلة :
1- في الخلاط او الكبة اضع كل المكونات مع بعض واقوم بخلطها ووضعها في برطمان في الثلاجة لحين الاستخدام .

2- اخذ جزء من التتبيلة وانزل عليهم المستردة وانزل قطع الفيلية فيها واقلبهم مع بعض واغطيهم واتركهم ساعتين في التتبيلة في الثلاجة .

3- اجيب الاستكس واحط فلفل وبصل وقطعة فيلية وهكذا حتي احصل علي كل الكمية في اعواد الاستكس  واتركها نص ساعة كمان .

4- ابدء اسخن طاسة فيها القليل من الزيت واضع علي الشيش زيت بردو بسيط وانزل الشيش الطاسة ولازم الطاسة تكون سخنة جدا جدا عشان الفيلية ميلزقش ويلم معانا ع طول .