البط المحشي بالفريك

المقادير :
بطة متنضفة كويس
2بصلة مقطعة صغير
نصف كيلو فريك مغسول ومنقوع نصف ساعة
بصل مكعبات
جزر شرائح
طماطم
كرفس
ورق لورا
حبهان بودر
رشة بهارات السبعة
ملح
فلفل اسود
رشة سكر
2فص مستكة
2ملعقة كبيرة كاتشب
ماء مغلي

الطريقة :
1- في الكبة اضع بصلة وطمطماية وملح وفلفل ورشة بهارات ورشة حبهان بودر وملح فلفل اسود وافرمهم كويس جدا واخد 3/4 التتبيلة وابدء ادهن بيها البطة كلها من جوة ومن بره وبين الجلد واللحم .
2- في طاسة انزل الزيت ويسخن كويس انزل البصل المقطع واقلبة يدبل انزل ملح وفلفل والسكر والحبهان والبهارات واقلب لغاية مريحتهم تطلع انزل الفريك واقلب لغاية مياخد نص سوا .
3- ابدء احشي البطة واحط معاهم الكبدة والقنصة واكتفها وبباقي التتبيلة احط معاها الكاتشب واقلبهم وادهن بيها البطة كلها واجيب كيس حراري احط فيها البطة وانزل البصل والجزر والطماطم واللورا والكرفس والخضار ده حسب اختيارك وبردو الحشو ده حسب الاختيار ممكن يكون اي حشو تاني .
4- حطيها فس صنية واقفلي الكيس كويس واعمليلو فتحات بالسكينة عشان تطلع البخار نزلي المية المغلية في الصنية وتدخليها الفرن علي درجة حرارة عالية علي ارضية الفرن تغلي طلعيها علي الرف الوسيطاني علي نار هادية لمده ساعتين او حسب حجم وسن البطة واسوي باقية الفريك لتقديمة مع البطة في السرفيس والخضار والف هنا