فطيرة كباب الحلة

المقادير :
نصف كيلو لحمة مكعبات
نصف كيلو بصل جوانح
ربع كيلو بطاطس مكعبات
فلفل الوان شرائح
ملعقة صغيرة ثوم مفروم
زبدة
زيت
حبهان بودر
ورق لورا
ملعقة صغيرة سكر
ملح
فلفل اسود
رشة بهارات
مستكة
للعجينة :
3كوب دقيق منخول
نصف كوب لبن رايب او زبادي
ملعقة صغيرة سكر
ملعقة صغيرة خميرة
ملعقة صغيرة بيكينج بودر
رشة ملح
نصف كوب ماء دافيء
لدهن الوجة :
صفار بيضة
2ملعقة كبيرة لبن
رشة من السكر
سمسم
حبة البركة

الطريقة :
1- طاسة علي النار انزل الزبدة والزيتوانزل المستكة تسيح والمادة الدهنية تكون سخنة جدا انزل اللحمة واعطيها صدمة وانزل الحبهان واللورا واشوحها كويس لغاية متاخد لون من كل الجوانب .
2- بعد متاخد اللون انزل البصل والسكر واقلبهم واتركهم مع بعض لغاية ميتكرملو ويبقا لونهم بني وانزل الثوم واقلبه معاهم لغاية مريحتو تطلع واجيب ماء مغلي وانزل علي اللحمة يدوب تغطي واتركها تستوي براحتها علي نار هادية تستوي انزلها الملح والبطاطس وتكون متحمرة نص تحميرة و10 دقايق وتكون جاهزة .
3-  مع الشغل اعمل العجينة في العجان انزل الدقيق والبيكينج بودروالملح والخميرة والسكر ولاول مرة تستخدمي الخميرة اختبريها مع السكر في ربع ماء دافيء .
4- انزل علي العجينة اللبن الرايب واعجن تندمج المكونات انزل الماء وحده واحده مع العجن حتي تثصبح عجينة طرية تماما واخدمها 10 دقايق واغطيها واتركها في مكان دافيء تختمر .
5- بعد تخمر العجينة اقوم بتقسيمها 3 كرات متساوية واغطيها واتركها 10 دقايق ترتاح بعد مترتاح ابدء افرد اول واحده بسمك نصف سنتي والتانية نفس المقاس  وابدء انزل في واحده كباب الحلة وارص علي الوجة فلفل الالوان وانزل عليها التانية واقفل كويس من كل الجوانب واحطها في صنية واسبها نصف ساعة وادهن الوجة بالخلطة اللي عملنها البيض واللبن والسكر وارش علي الوجة سمسم او حبة البركة او سادة براحتك وادخلها فرن سخن علي 200 علي الرف الوسطاني .
6- ممكن كمان نقدمها بطريقة تانية نجيب طاجن وننزل فيه كباب الحلة وافرد عجينة واحطها علي وش الطاجن وادهنها وارش حبة البركة او سمسم وادخلها الفرن علي نفس درجة الحرارة 10 دقايق ويكون العيش مستوي واخد لون من تحت ومن فوق .