الفراخ المقرمشة فتكات

المقادير :
فرخة مقطعة 8قطع
كوب لبن رايب
1/2 كوب دقيق
1/2 كوب نشا
ملعقة صغيرة بيكينج بودر
ملعقة صغيرة سكر
ملعقة صغيرة ثوم بودر
ملعقة صغيرة بصل بودر
ملعقة صغيرة زعتر
ملعقة صغيرة بابريكا
ملح
فلفل اسود
للتغطية :
كوب دقيق
كوب نشا
ملعقة صغيرة بيكينج بودر
ملعقة صغيرة ثوم بودر
ملعقة صغيرة بصل بودر
ملعقة صغيرة بابريكا
ملعقة صغيرة زعتر

الطريقة :
1- اقوم باخذ الفراخ واقوم بعمل فتحات ببوز سكينة حامية والفراخ تكون مغسولة كويس ومنقوعة في مية وخل 10 دقايق ومتصفية كويس .
2- وممكن حل تاني بدل معمل لها فتحات الحل التاني اني اجيب معلقة كبيرة كاتشب ومعلقة صغيرة خل ورشة بابريكا وبسرنجة مخصصة للاكل وابدء ادخل للفراخ التتبيلة هتبقا روعة وحلوة جدا .
3- في بولة هعمل التتبيلة انزل اللبن الرايب والتوابل كلها والبيكينج بودر وملح وفلفل اسود واقلبهم كويس جدا وهنزل الفراخ التتبيلة واغطيها وادخلها التلاجة لتاني يوم لو مستعجلة مش اقل من 4 ساعات .
5- باخد الفراخ واحطها في مصفا محطوطة علي حلة وهنعمل الفراخ علي البخار تاخد نص تسوية ولازم اغطيها وهيا بتستوي بتاخد نص ساعة بس .
6- في طبق احط الدقيق والنشا والبيكينج بودر والتوابل بس مكترش البابريكا عشان متغمقش واحنا بنقلي اما بالنسبة للخلطة اللي نقعنا فيها الفراخ دي هحطلها الدقيق والنشا اللي هما نص كوباية نشا ونص كوباية دقيق واقلبهم لو حسيت القوام تقيل هزودلها شوية مية لو خفيف معلقة دقيق هو بيبقا قوامة زي قوام الكاب كيك .
7- انزل الفراخ بعهد متبرد انزل الفراخ في الخلطة السايلة وانزلها الخلطة الجافة وابدء انفضها كده من الدقيق الحركة دي بتعطينا نفس شكل المطاعم المهم مضغطش عليها بالدقيق ارش الفراخ بالدقيق بس .اخلص الفراخ وانزلهم علي زيت سخن جدا وتبقا النار متوسطة لغاية متاخد اللون الذهبي واقدمها .