فطاير الطاسة الرهييييبه طعم رووووووعة وطريقة سهلة من مطبخي فاطمه ابو حاتى
فطائر الطاسة وسندوتشات المدارس فتكات
المقادير :
العجينة :
كيلو دقيق
علبة زبادي
ملعقة كبيرة بيكينج بودر
نصف كوب زيت
كوب ماء دافيء
كوب لبن دافيء
2ملعقة كبيرة خميرة فورية
2ملعقة كبيرة سكر
ملعقة كبيرة خل
رشة ملح
للحشو :
ميكس جبن مونزاريلا وشيدر مبشورة
زيتون شرائح
فراخ قطع مشوحة
بطاطس مسلوقة ومهروسة
سجق مربعات صغيرة
حلاوة طحينية
قشطة
جبنة فيتا
للوجة :
2ملعقة كبيرة لبن بودرة
ملعقة كبيرة سكر
ملعقة صغيرة قهوة سريعة الذوبان
ربع كوب ماء
سمسم محمص
حبة البركة
الطريقة :
1- في بولة انزل الماء واللبن والسكر والخميرة واتركة لغاية ميخمر ويتضاعف حجمها .
2- في العجان انزل الدقيق والملح والبيكينج بودر والخل والزبادي والزيت وانزل الخميرة باللبن والماء والسكر لما تختمر .
3- اعجن كويس جدا لغاية العجينة متلم وافضل اعجن 10 دقايق ولازم تكون طرية خالص اغطيها واسبها تختمر .
4- اقوم بتقسيم العجينة الي كرات وارصهم في صنية واقوم بتغطيتهم واتركهم 5دقايق ترتاح افرد واحده واحدة اعمل ميني سندوتش اعمل الحشوة بجبنة وزعتر واقوم بحشوها اقوم بعمل العجينة مستطيل احشي من بعد الطرف بشوية واقفل كويس والفها رول واقفلها من الجوانب كويس وارصها في صنية .
5- اعمل كمان ميني كيرز افرد العجينة علي شكل دائرة واحشيها بطاطس بفلفل رومي مقطع وشوية جبن اقلبها واحشي واقفل عليها واعملها علي شكل الكيزر وارصها في صنية عشان تخمر تاني نص ساعة .
6- ممكن تعملي شكل وردة وتحطي علي الوش جبنة وزتون وحبة البركة وتشكليها وردة ممكن تعمليها الشكل اللي تحبية بالحشوة اللي تحبيها ممكن تعملي كيزر كمان بحشوة البيتزا تفرديها وتدهني كاتشاب وزتون وسجق او فراخ وجبنة وتقفلي عليها اهم حاجة في المعجنات انك تخمريها تاني وتكون في صنية الخبز .
7- خلاص اختمرت اخلط اللبن البودرة بالسكر والقهوة والماء وامزجهم وادهن وش المعجنات بالخلطة دي وممكن ارش سمسم وحبة البركة حلوة جدا ومغذية وادخلها فرن علي درجة حرارة 200 لمدة لا تزيد عن 12 دقيقة ويكون الفرن سخن جدا من قبلها لو الوش متحمرش ولعي الشواية علي الهادي لغاية مالوش ياخد لون .
8- بالنسبة لسندوتشات الطاسة بفرد قطعة من العجين واقوم بحشوها الحشوة المناسبة ممكن قشطة وجبنة وممكن ميكس جبن ده حسب الرغبة بقفل عليها وابدء اعيد علي القفل بالشوكة واسخن طاسة واعطيها دهنت زيت وابدء اسويها علي نار متوسطة لغاية متستوي كويس واقدمها .
الله ينور
ردحذف