مكرونة بشاميل 

المقادير :
كيلو لحمة مفرومة 
نصف كيلو بصل متقطع صغير 
مكورونة اقلام مسلوقة 2/3سوا
ملح
فلفل اسود
رشة بهارات السبعة 
رشة قرفة 
زيت 
كوب عصير طماطم تقيل 

للبشاميل :
كيلو لبن ساقع
4قطع جبنة كيري 
4ملعقة كبيرة دقيق
كوب كريمة او قشطة 
ملح
فلفل اسود
سمنة او زيت او زبدة 

للوجة :
2ملعقة كبيرة قشطة 

الطريقة :

1- اقوم بوضع طاسة علي النار اضع زيت او سمنة او زبدة وانزل بالبصل باخد لون محمر انزل اللحمة واقلبهم مع بعض اللحمة تغير لونها كلة انزل الطماطم وممكن تستغني عنها انزل الملح والفلفل والتوابل كلها واقلب فيها لغاية متستوي .

2- في حلة علي النار اضع 4ملعقة كبيرة زيت او سمنة او زبدة تسيح انزل الدقيق وافضل اقلب فيه لغاية ملونة يبقا ابيض وانزل اللبن مع التقليب المستمر انزل الكيري يتقل انزل الكريمة وممكن قشطة وش اللبن تنفع بردو واقلب لغاية ميغلي ويتقل انزل ملح وفلفل اسود.

3- اجيب بيريكس ادهنة زيت وانزل كبشة من البشاميل وانزل كمية من البشاميل علي المكرونة المكرونة مسلوقة 2/3 سلقة مش سوا كامل وانزل نص كمية المكرونة انزل اللحمة وانزل باقي كمية المكرونة وانزل البشاميل علي الوجة انزل القشطة مذابة في القليل من اللبن  و وادخلها فرن سخن علي درجة حرارة 200 علي قاعده الفرن يغلي اهدي النار واطلعها علي الرف الوسطاني لغاية متستوي والوش ياخد لون .