برجر الفراخ

المقادير :
كيلو اوراك وصدور مخلية ومفرومة
نصف كوب بقسماط مطحون
2كيس بهارات برجر سبايسي
ملعقة صغيرة سكر
نصف ملعقة صغيرة فلفل اسود
ملعقة كبيرة ملح
ملعقة صغيرة بابريكا
2ملعقة كبيرة زبدة

الطريقة :
1- في بولة اضع الفراخ المفرومة في الكبة وانزل عليها بالبقسماط والبهارات والملح والفلفل والبابريكا والسكر والزبدة واعجن كويس جدا عشان تديكي نتيجة كويسة العجن حوالي 10 دقايق .
2- ابدء اخد من العجينة واحضر مكبس برجر او غطاء برطمان واضع كيس سندوتشات مفتوح مدهون زيت وابدء اكبس علي عجينة البرجر واطلعها اضعها علي طبق علية اكياس وبين كل طبقة والتانية لازم كيس نايلون ممكن اسوية ع طول او ادخلة الفليزر افضل طبعا .
3- لو حبيتي تحفظية في التلاجة او الفليزر للاطفال للمدارس تعملي نفس الخطوات ونضع كل قطعة في كيس ونقفل علية واضعهم في الفليزر او بنفس الطريقة اللي قولنا عليها نرصة طبقات بينهم كيس نايلون وبرده ادخلهم الفليزر لحين الاستخدام .
4- عاوزة تسوية في طاسة بها القليل من الزيت تسخن كويس وانزل البرجر ياخد لون من تحت واقلبة ياخد لون تاني ويستوي هو مش بياخد وقت خالص لان دي فراخ .

برجر البطاطس

المقادير :
كيلو بطاطس مسلوقة ومهروسة
2ملعقة كبيرة بقدونس مفروم
ملعقة صغيرة صلصة
كوب بقسماط مطحون
كوب جبنة مونزاريلا
بيضة
كوب بقسماط للتغطية
ملعقة صغيرة بابريكا
ملح
فلفل اسود

الطريقة :
1- في بولة اضع البطاطس والبقدونس والصلصة والبقسماط وملح وفلفل وبابريكا والمونزاريلا واعجنهم كويس جدا لمده 5دقايق .

2- ابدء اشكل برجر البطاطس بمكبس او بغطا برطمان عليه كيس سندوتشات مدهون زيت لسهولة التشكيل وابدء اعفرها بالبقسماط ولو حبيت ادخلها الفليزر تدخل وتسوا بعد كده او تسوا ع طول حسب الرغبة .

عيش البرجر

المقادير :
كيلو دقيق منخول
كوب زيت
كوب لبن دافيء
كوب ماء دافيء
2ابيض بيض
4ملعقة كبيرة سكر
2ملعقة كبيرة خميرة فورية
ملعقة صغيرة ملح
3ملعقة كبيرة زبدة للدهن
للوجة :
صفار البيض
القليل من اللبن

الطريقة :
1- في العجان انزل الدقيق والملح وفي بولة انزل الزيت واللبن والماء والسكر والخميرة والابيض بيض واقلبهم مع بعض كويس جدا واتركهم يختمرو وتكون رغاوي .
2- انزل الخليط علي الدقيق واعجن كويس جدا تلم العجينة وتكون طرية لو احتاجت مية تانية انزلها لغاية متلم وتكون لينة جدا ولازم تتخدم وتتعجن كويس بعد متلم لمده 10 دقايق واضعها في بولة واغطيها واتركها في مكان دافيء لتختمر .
3- بعد متخمر العجينة اقوم بتهبيطها تاني واقوم بتقسيم العجينة كور صغيرة قد البيضة ويكون كلة مقاس واحد واغطية واتركة 10 دقايق وهو متغطي يرتاح وابدء افردة .
4- افرد العجينة كلها بمقاس واحد وبسمك اكتر من سنتي بشوية اجيب واحده وادهن الوجة زبدة طرية واضع القطعة التانية عليها يعني يكون طبقتين من العجين وق بعض وسطهم مسحة من الزبدة الطرية وهكذا مع باقي كمية العجين واضعهم في صنية الومنيوم مدهونة زيت .

5- اخلص الكمية واسبهم يختمرو مده نصف ساعة اختمر ادهن الوجة بالصفار مخلوط باللبن وادهن الوجة وممكن اضع علي الوجة سمسم او حبة البركة ويدخل الفرن حتي يصبح مستوي والوش ياخد اللون الدهبي .