بسكويت النشادر 

المقادير :
مقادير نصف كيلو بسكوت :
نصف كيلو دقيق
ربع كيلو زبدة 
كوب وربع سكر بودرة 
ربع كوب لبن
2بيضة 
2ملعقة كبيرة نشا 
ملعقة صغيرة ممسوحة بيكينج بودر 
ملعقة صغيرة نشادر 
ملعقة صغيرة فانيليا 
رشة ملح
مقادير كيلو بسكوت :
كيلو دقيق 
نصف كيلو زبده
2ونص كوب سكر بودرة 
4بيضة 
نص كوب لبن 
4ملعقة كبيرة نشا 
ملعقة كبيرة ممسوحة بيكينج بودر 
ملعقة صغيرة فانيليا 
ملعقة كبيرة ممسوحة نشادر 
رشة ملح

الطريقة :
1- في بولة انزل الزبدة واضربها بالمضرب الكهربائي لغاية متبقا زي الكريمة انزل عليها السكر وضربهم مع بعض لغاية مالقوام يبقا لون ابيض مع الخفق انزل البيض والفانيليا واخفق ع طول لغاية ميمتزجو .
2- انزل كل ده مع الخفق انزل النادر وتكون ممسوحة عشان ميفرش وفي بولة تانية انزل الدقيق والنشا والبيكينج بودر والملح واقلبهم كويس وانزل نص مقدار الدقيق علي المكونات الاولي يمتزجو انزل الباقي وانزل اللبن واخفق لغاية متبقا عجينة لينة تتشكل ممكن تعملية في المكونة وممكن بالقمع.
3- اشكلة علي صنية مدهونة زيت وادخلة فرن سخن علي درجة حرارة  170 علي الرف الوسطاني لغاية مياخد لون دهبي من تحت هتشغلي الشواية ياخد لون من فوق .