بسبوسه بالقشطه

المقادير :
كوب ونصف دقيق سميد
نصف كوب لبن دافيء 
نصف كوب سمنة علي زيت دافيء 
ربع كوب سكر 
2ملعقة كبيرة جوز هند 
2ملعقة كبيرة لبن بودر 
ملعقة كبيرة عسل 
نصف ملعقة صغيرة بيكينج بودر 
رشة ملح
للسيرب :
كوب ماء 
كوب سكر 
ملعقة كبيرة سمنة 
القشطة :
كيلو ونصف لبن 
3ملعقة كبيرة خل 
4ملعقة كبيرة لبن بودرة 
نصف كوب قشطة وش اللبن 

3ملعقة كبيرة نشا 

الطريقة :
1- لعمل القشطة هقسم اللبن كيلو في حلة والنص الباقي في حلة تانية وعلي النص اسخنة وانزل القشطة ووش اللبن واول ميندمجو مع بعض ويغلو ادوب النشا في شوية مية وانزلهم علي اللبن مع التقليب المستمر لغاية منوصل للقوام الثقيل واسيبة ع جمب يبرد.
2- علي الكيلو التاني احطة علي النار اول ميغلي انزل الخل مع التقليب المستمر لغاية ميفصل اصفي اللبن في مصفا ضيفة واصفية كل جدا وتاخد القطع والشرش يبرد واحطة في كيس في الفليزر ممكن نستخدمة في عجن المعجنات بدل المية .

3- اخد الجزء اللي صفناه وانزلة في الكبة مع الكريمة اللي عملناها بنص كيلو اللبن واضربهم كويس جدا لغاية ميندمجو واغطيهم واسبهم يبردم لازم تتغطي عشان متعملش قشرة ناشفة .
4- في بولة انزل السميد والبيكينج بودر واللبن البودر والملح والسكر وجوز الهند واقلب كل المكونات مع بعض .

5- انزل السمنة علي زيت وابس الدقيق كويس لازم يتشرب الدقيق كل السمنة بالزيت وانزل علي اللبن العسل واقلبهم مع بعض وانزلهم علي الخليط تقليبة بسيطة جدا لان العجن فيها بيبوظها .
6- في صنية مقاس 26 ادهنها سمنة كويس او طحينة وانزل نص كمية الخليط مع عمل جوانب لصنية وانزل القشطة واحاول افردها بس موصلهاش للجوانب.
7- نزل عليها بباقي كمية السميد ومحولش الضغط خالص من علي الوش كده واوزع وادخلها فرن سخن  علي درجة حرارة 200 علي الرف الوسطاني تاخد لون حلو من تحت وفوق واخرجها واكون مجهزة السيرب سخن وهيا سخنة واغطيها واسبها تبرد.
8- السيرب بيتعمل وهيا في الفرن هتجيبي حلة الومنيوم  لعمل السيرب حطي السكر يتكرمل وهزي الطاسة او الحلة عشان كل السكر ياخد اللون الدهبي ونزلي المية يفكم مع بعض ويغليم نزلي السمنة .