البرياني

المقادير :
فرخة مقطعة 8قطع
2كوب ارز بسمتي
نصف كيلو بصل شرائح محمر
بصلة كبيرة مكعبات
ملعقة كبيرة ثوم مفروم
ملعقة كبيرة زنجبيل مفروم
كوب طماطم مكعبات
2فلفل حار
نصف كوب كزبرة مفرومة
2عود نعناع مفروم
كوب زبادي
زيت
بهارات صحيحة :
2عود قرفة خشب
10فص حبهان صحيح
10عود قرنفل صحيح
ورق لورا
ملعقة صغيرة فلفل اسود حبوب
ملعقة صغيرة كمون حب
البهارات المطحونة :
نصف م ص بهارات جراما سالا
ملعقة صغيرة كركم
ملعقة صغيرة بابريكا
ملح

الطريقة :
1- في حلة علي النار هنزل الزيت يسخن وانزل البصلة واعطيها لون دهبي بسيط وانزل الثوم والزنجبيل واشوحهم واول مريحتهم تظهر هنزل الكمون والقرفة وورق لورا وحبهان وقرنفل والفلفل الاسود الحب والفلفل الحار واقلب وانزل بهارات الجراما سالا وانزل الكركم والبابريكا وانزل الفراخ بس تكون من غير جلد واشوحهم مع بعض لغاية مالفراخ تاخد لون
2- انزل الزبادي والطماطم  ورشة من الزعفران بسيطة واقلبهم واغطي عليها واسبها علي نار متوسطة تستوي براحتها  تاخد نص سلقة اظبطلها ملحها وانزل فلفل اسود وشوية من البصل المحمر والبقدونس والنعناع .
3- في حلة تانية احط مية تغلي وانزل القرفة والحبهان والقرنفل واللورا واسبهان تغلي كويس وشوية زيت وملح وانزل الرز ويكون منقوع قبلها ساعة انزلة يتسلق واظبطلو ملحة اول ميتسلق اطفي واصفية كويس جدا .
4- بعد سلق الرز وتصفيتة انزلة علي الفراخ واتركهم مع بعض يكملو سوا كويس واقدمهم مع البقدونس والنعاناع والبصل المحمر .