اجنحه الدجاج بصوص البافلو الحار

المقادير :
كيلو اجنحة 
للتغطية :
نصف كوب دقيق
نصف كوب نشا
للصوص:
ربع كوب خل 
2ملعقة كبيرة زبده
3ملعقة كبيرة صلصة 
3ملعقة كبيرة كاتشب
ملعقة كبيرة عسل اسود
ملعقة كبيرةصويا صوص 
ملعقة صغيرة نشا
ملعقة صغيرة ثوم بودر 
ملعقة صغيرة بصل بودر 
ملعقة صغيرة بابريكا 
ملعقة صغيرة شطة (اختياري)
ملعقة صغيرة سكر 
ملح -فلفل اسود

الطريقة :
1- اغسل الاجنحة كويس وانقعها في مية وخل 10دقايق واصفيها كويس واقطع القطعة اللي في الطرف العضمة واسيب اللي فيها اللحم واتبلها ملح وفلفل وانشفها كويس .
2- في بولة انزل الدقيق والنشا وانشف الاجنحة كويس وقطعة قطعة اغلفها بالدقيق لغاية مغلف كل الكمية واسخن زيت غزير وانزل القطع واهدي النار ومع التقليب المستمر من وقت للتني لغاية متاخد اللون الدهبي اطلعها علي مناديل مطبخ .
3- في حلة سخنة انزل الزبدة وعليها الصلصة والكاتشب والثوم والبصل والبابريكا وملح بسيط وفلفل وسطة وسكر واقلبهم كويس اول متغلي انزل الخل  ادوب النشا في نصف كوب ماء واقلبها وانزل مع التقليب لغاية متغلي تاني انزل العسل الاسود واقلب وانزل الصويا صوص تغلي اطفي .
4- في طاسة علي النار انزل الاجنحة وعليه الصوص واقلبهم مع بعض يسخنم كويس ويتجانسو واقدمهم مع صوص الكاتشب والمايونيز والمسترده .