رولات قطنيه بالجبنه

المقادير :
كوب حليب دافيء
3ملعقة كبيرة زبادي
ربع كوب زيت
2ملعقة كبيرة سكر
ملعقة كبيرة خميرة
3كوب دقيق
رشة ملح
للحشو :
2كوب جبنة مونزاريلا وشيدر
4ملعقة كبيرة جبنة كريمي
بقدونس مفروم
للدهن :
ملعقة كبيرة لبن
قهوة سريعة الذوبان
سكر
حبة البركة
سمسم

الطريقة :
1- في العجان او في بولة انزل الدقيق والسكر والملح والخميرة واقلب كل لامكونات مع بعض وطبعا بنحط الخميرة لو مستعملنها وواثقين فيها لو اول مرة تستعمليها اختبريها معلقة خميرة ومعلقة سكر وربع كوب ماء اول متضاعف اعرفي انها شغالة واستعمليها.
2- انزل الزيت والزبادي واقلب كل المكونات مع بعض وانزل اللبن شوية بشوية لغاية متتكون عندي عجينة لينة وطرية واعجنها كويس مده7دقايق بعد متلم واغطيها واتركها تختمر ويتضاعف حجمها .
3- بعد التخمير اقوم بفرد العجينة بسمك نصف سنتي وادهنها بالجبنة الكريمي واوزع الشيدر والمونزاريلا وممكن رومي والقدونس وابدء الفها رول واقطعها قطع زي السينايون وارصعم علي صنية مدهونة زيت ويكون الحشو لفوق واتركها تخمر مرة اخري ويتضاعف حجمها واخلط اللبن والقهوة والسكر وادهن براحة خالص الوش الجوانب وانزل سمسم وحبة البركة وادخلها فرن سخن علي 200 علي الرف الوسطاني واول متاخد لون افتح عليها الشواية تاخد لون من الوش واقدمها .