كرشه بالصلصة والزيتون
المقادير :
كرشة
كوب عصير طماطم
فلفل رومي مكعبات
فلفل حار
صلصة طماطم
4 فص ثوم
2 بصلة كبيرة ارباع
ملعقة كبيرة بقدونس
زيتون اخضر
ملح
فلفل اسود
رشة حبهان
بابريكا
سكر
بهارات السبعة
عصير ليمونة
زيت
الطريقة :
1- اغلي مية وانزل فيها الكرشة واغطيها واسبها 10دقايق وطبعا انا غسلاها ومنضفاها ومقطعاها قطع .
2- بعد معدا 10دقايق هصفيها واغسلها كويس جدا وفي حلة انزل زيت يسخن كويس جدا انزل الزيت والفلفل والبصل والثوم وملح وفلفل والبهارات وبابريكا ورشة سكر واشوحهم لغاية مياخدو لون حلو .
3- اكون مسخنة مية وانزلها عليهم اغطيهم بيها واغطي تغلي بس اهدي النار واسبها ساعة كاملة هتكون قلت في الحلة انزلها الزتون والفلفل الحاروالبقدونس وعصير الطماطم وملح وفلفل واظبط الملح وانزل عصير الليمون واسبها تغلي واهدي واسبها تكمل سوا وتتسبك كويس واقدمها والف هنا .
ليست هناك تعليقات:
إرسال تعليق