كشرى مصري

المقادير :
مكرونة مسلوقة 
ارز 
شعرية
عدس  بجبة منقوع
حمص منقوع ومسلوق
2بصلة مفرومين
3كوب عصير طماطم
ملعقة كبيرة صلصة 
بصل شرائح
2ملعقة كبيرة ثوم مفروم 
2فص ثوم صحيح
خل
ملح
فلفل اسود
كمون
ملعقة كبيرة شطة 
زيت 
دقيق او نشا 

الطريقة :
1- في حلة انزل الزيت يسخن انزل نص كمية  البصل واعطيها لون انزل العدس المنقوع ومتصفي كويس اشوحة مع البصل وانزل علية مية باردة وانزل كمون وفصوص الثوميغلي واهدي النار لغاية ميستوي اطفي واصفية .
2- حلة علي النار انزل الزيت يسخن انزل بقيت كمية البصل واعطيها لون وانزل الطماطم والصلصة ونص كمية الثوم والخل والملح والفلفل والكمون واغطي عليها واسبها علي نار هادية تتسبك وتتقل .
3- اجيب البصل الشرائح وانزل عليهم القليل من الملح وانزل دقيق وافرد الدقيق بالبصل وعلي زيت غزير وسخن واحمر البصل حتي يصبح باللون الدهبي واطلع البصل علي مناديل مطبخ .
4- اخد الزيت انزل 3/4 الكمية علي الصلصة المتسبكة وباقي الزيت علي المكرونة المسلوقة واقلبهم كويس عشان المكرونة تفضل مفرولة ومش ناشفة .
5- في حلة علي النار انزل الزيت وانزل علية الشعرية والشعرية تكون نص كمية الرز انزل الشعرية واحمرها كويس يكون لونها غامق سنة وانزل الرز واقلبهم مع بعض لغاية الرز ميتغلف بالمادة الدهنية ويسخن وانزل مية سخنة وملح واول ميتشرب اهدي النار واسيبة يستوي.
6- لغمل الدقة في بولة انزل الثوم وملح وكمون وفلفل وخل وانزل نص الكمية مية سخنة واقلبهم مع بعض وفي طاسة انزل زيت لعمل الشطة يسخن الزيت وانزل الشطة واقلبها كويس وتكون جاهزة وانزلها في بولة .
7- طبق التقديم وانزل المكرونة والرز والعدس بجبة والحمص والصلصة وعلي الوش البصل واقد الدقة والشطة بجانبهم .