الكبيبة الشامي 

المقادير :
كيلو لحمة مفرومة حمرا
نصف كيلو بصل
كوب ونصف برغل ناعم 
فصين ثوم
نصف كوب بقدونس وشبت مفرومين
نصف ملعقة صغيرة سكر 
ملح
فلفل اسود
رشة بهارات 
رشة حبهان 
زعتر 
رشة قرفة 

الطريقة :
1- في الكبة افرم البصل كويس جدا وانزل في طاسة علي النار فيها زيت انزل البصل واسيب في الكبة معلقتين كبار بصل .
2- ابدء ادبل البصل وانزل نصف كمية اللحمة والسكر والملح والفلفل والقرفة والحبهان والبهارات  وابدء اعصج اللحمة واعرف ازاي انها اتعصجت واستوت لما اللحمة تشرب كل ميتها وبعد منزلها في الطبق انزلها الخضرة .
2- علي البصل اللي في الكبة انزل البرغل المنقوع 1/2 ساعة ومتصفي كويس جدا واللحمة والثوم وملح وفلفل وقرفة زعتر وافرمهم 10 دقايق .
3- يا اما تشكليها هاتي جزء من المفروم تكون قد اللمونة وبصبعك الكبير مبلول مية وابدئي اعمللها فتحة وخلي القطعة جوانبها رقيقة واحشيها من اللحمة المعصجة واقفلي عليها وهكذا واقليها في زيت غزير وممكن كمان تشكليها وتفرزيها في الفليزر .
4- لو عاوزاها صنية هاتي صنية وادهنيها زيت ونزلي نص كمية المفروم وسوية كويس نزلي اللحمة المعصجة وافرديها ونزلي بقية الخليط المفروم وادهنيها زيت دخليها علي فرن سخن علي درجة حرارة 200 علي الرف السفلي نص ساعة وطلعيها علي الرف الاوسط وهدي النار لغاية متستوي .