الباتيه بالجبنه

المقادير :
كيلو دقيق 
كوب ماء دافيء 
نصف كوب زيت 
2علبة زبادي 
ملعقة كبيرة خل 
4ملعقة كبيرة لبن بودر 
3ملعقة كبيرة سكر 
3ملعقة كبيرة خميرة فورية 
باكو بيكينج بودر 
رشة ملح
لدهن الوجة :
ملعقة كبيرة لبن بودر 
ملعقة كبيرة سكر 
رشة نسكافية 
3ملعقة كبيرة ماء 
للدهن :
زبدة سايحة 

الطريقة :
1- اول حاجة بنعمل تيست للخميرة بنزل في  كوب ماء  الخميرة والسكر ونقلبهم ونسبهم علي جمب يفورو .
2- في بولة انزل الدقيق واللبن البودر والبيينج بودر والملح واقلبهم مع بعض وانزل الزبادي والخل والخميرة اللي فارت ونعجن كل المكونات مع بعض وننزل الزيت عشان نلم بيهم العجينة وهتلاقيها طرية شوية نزليبها علي رشة دقيق وافضلي اعجني فيها لغاية متلاقيها لمت كل العجين اللي في ايدك وبقت ناعمة خالص .
3- انزلها في بولة واغطيها واسبها تختمر اخدها واكورها كور قد بعض علي صنية مرشوشة دقيق واغطيهم واسبهم علي جمب يرتاحم 10دقايق .
4- ابدء اخد من اول واحده قطعهتها وابدء افردها بسمك نص سنتي وادهنها واحطها علي طبق مرشوش دقيق واخد التانية افردها وادهنها زبدة وانزلها علي الطبقة الاولي واعيد الطريقة دي لغاية مكون 8طبقات ممكن تقللي وممكن تكتري حسب رغبتك واخر طبقة مش هدهنها واغطيها ببلاستيك وادخلها التلاجة نص ساعة وهكذا لغاية مخلص كل الكمية .
5- بعد متخرج من التلاجة هفردها بسمك نص سنتي وابتدي اسويها بالسكينة او القطاعة وابدء اقسمها مستطيلات مش طويلة اوي واحشي جبنة والف احشي والف لغاية مخلص كل كمية المستطيلات واضعهم في صنية الومنيوم مدهونة زيت واسبهم يختمرو ويتضاعف حجمهم .
6- بعد ميختمرو هخلط اللبن بالسكر والنسكافية والمية وادهن براحة الوش وادخلهم فرن سخن علي 200درجة علي الرف الوسطاني تاخد لون من تحت ومن فوق وتستوي واطلعهم واقدمهم .