عجينه الباف باستري
المقادير :
5كوب دقيق
ربع كوب نشا
نصف كوب زيت و زيت
2كوب ماء دافيء
ملعقة كبيرة بيكينج بودر
رشة ملح
2ملعقة كبيرة لبن بودرة
الطريقة :
1- علي الدقيق انزل البيكينج بودر والملح واللبن والنشا والافضل اننا ننخل الدقيق مرة واقلب كل المكونات مع بعض وانزل السمنة بالزيت واشرب الدقيق منهم لغاية ميبقا زي حبيبات الرمل .
2- انزل بالمية بردو وحده وحده لغاية متلم واعجنها كويس وتكون بتلزق بسيط وجمبك طبق فيه نشا واقسمها 3كور وارش الصنية نشا وانزلهم علية واغطيها واسبها ترتاح ربع ساعة .
3- لما اجي افردها افردها علي نشا وعلي وشها نشا علشان اقدر افردها بسهولة واقطعها حسب الرغبة ممكن دواير وتعملي بيها سمبوسك وممكن مربعات وتستخدميها في طريقة الدبابيس الكدابة وممكن في وصفة ام علي ووصفات الكرواسون والباتية والساليزون وابدعي بقا .
4- فرزيها بالاشكال اللي انتي محتجاها يعني لو هتتفرز بسمبوسك يبقا افردي العجينة نصف سنتي وقطعيها دواير ورصيهم علي صنية فيها نشا وغطيها ببلاستيك فويل ودخليها الفليزر ممكن تتفرز عجينة وتخرجيها تفك وتستخدميها عادي المهم ميوصلهاش اي مية وممكن تتحشا وتتفرز محشية بس الحشو ميكنش فيه اي مية .
ليست هناك تعليقات:
إرسال تعليق