بطاطس محشيه باللحمه المفرومه

المقادير :
كيلو بطاطس متوسطة الحجم
نصف كيلو لحمة مفرومة
نصف كيلو بصل مفروم
ملح
فلفل
قرفة
زعتر
رشة بهارات السبعة
رشة سكر
كوب عصير طماطم
زيت
فلفل الوان
ملعقة صغيرة ثوم مفروم
بصلة مفرومة
جبنة مونزاريلا وشيدر

الطريقة :
1- في طاسة انزل الزيت يسخن كويس جدا انزل البصل واقبة لغاية ميغير لونة ابدء انزل اللحمة واقلب لغاية متغير لونها كلة واقلب لغاية متقرب تدخل في السوا انزل السكر البهارات والزعتر والملح والفلفل والقرفة واقلب لغاية متنزل ميتها وتشربها تكون جاهزة .
2- اجيب قوالب البطاطس وتكون متوسطة والالفضل صغيرة ممكن اعمل شكلين يا اما اقطع منها قطعة صغيرة وائورها من النص والشكل التاني اني اقسمها نصين وائورها من النص واقليها يدوب تاخد لون بسيط خالص.
3- في الصنية انزل البصلة والثوم والفلفل وحار لو حابة وبتفركيهم مع بعض كويس بالقليل من الزيت وانزل قطع البطاطس اللي طلعناها من القوالب البطاطس واقلبهم مع بعض وافردهم في الصنية .
4- ابتدي احشي البطاطس لو بالشكل الاول احشيها واوقفها او لو بالشكل التاني احشي جزء وانزل الجزء التاني فوقة يعني تبقا اكنها بطاطس مقفولة او ارصهم كل نص محشي لوحده بجانب بعض وانزل علي الوش المونزاريلا بالشيدر وممكن تستغني عنهم واتبل عصير الطماطم بالملح والفلفل ورشة بهارات ورشة سكر واوزعهم علي البططس وادخلها فرن سخن علي 200 علي الرف الوسطاني لغاية مالبطاطس تستوي.
5- ممكن تعمللها بشاميل وتوزعيه عليها وعلية ميكس جبن تكون روعة والف هنا .