كفته جمبري 

المقادير :
كيلو جمبري 
خضرة مشكلة (شبت -بقدونس-كزبرة )
كوب ارز مطحون ناعم 
بصلة 
ملعقة كبيرة ثوم مفروم
كمون 
ملح
فلفل اسود
كزبره جافة 
رشة حبهان بودر 
رشة سكر 
للصلصة :
كوب عصير طماطم 
ملعقة كبيرة ثوم مفروم 
ملح
فلفل اسود
رشة سكر 

الطريقة :
1- في الكبة انزل الخضرة بس تكون من غير العيدان اوراق بس وانزل الارز المطحون ناعم ونخلينة وانزل البصلة والثوم وافرم كل ده مع بعض لغاية ميبقا الخليط ناعم ومتماسك .
2- انزل الجمبري بعد مغسلناه ونقعناه وصفيناه كويس انزلة علي الخلطة واخلط خلطة بسيطة عشان طعمة يبان في الخلطة لان لو اتفرم جامد هيختفي الطعم .
3- نزلي الخليط في بولة ونزلي ملح وفلفل وكمون وكزبرة ورشة حبهان واعجنيهم وغطيها ودخلي التلاجة ساعة وخرجيها وايدك في زيت وشكليها علي طبق وممكن تفرزيها بنفس الطريقة اقلي بقا واستمتعي باحلا طعم .
4- للصلصة في حلة نزلي الثوم وشوحيه اول ميطلع ريحتة نزلي عصير الطماطم وتبليه ملح فلفل رشة سكر وسبيه يغلي ونزلي الكفتة وسبيهم يتسبكم وقدميا الف هنا .