مرقه دجاج ( مرقة الفراخ )

المقادير :
2كوب شوربة دافية فراخ او لحمة
2ملعقة كبيرة زبده
2ملعقة كبيرة دقيق
ملعقة صغيرة ورق لورا مطحون
ملعقة صغيرة كمون
ملعقة صغيرة كاري
ملعقة صغيرة ثوم بردر
ملعقة صغيرة بصل بودر
ملح
فلفل اسود
رشة حبهان بودر
رشة بهارات سبعة
رشة سكر

شاهد ايضا : طريقة عمل مرقة الدجاج من الشيف نجلاء الشرشابى

الطريقة :
1- في حلة انزل الزبده والدقيق واقلبهم مع بعض انزل ملح وفلفل وكمون وحبهان وبهارات سبعة وورق اللورا والبصل والثوم البودر وكاري واقلب كل ده مع بعض ريحتهم تظهر .
2- والدقيق يستوي انزل الشوربة شوية افك بيهم الدقيق وانزل الباقي مع التقليب لغاية مالقوام يتقل ولازم اخلي بالي من الملح لان الشوربة بتكون متملحة .
3- الشوربة دي بتكون معمولة ازاي اكون سلقة فراخ وانزل معاها كرفس وطماطم وجزر وبصل وثوم وورق لورا وحبهان وطبعا الفراخ تستوي هنطلعها ونفرم الشوربة بكل المكونات دي وطبعا ممكن نعمل الطريقة دي مع شوربة لحمة عادي جدا .
4- خلاص القوام تقل هنزلة في قالب فيه كيس نايلون او علي قوالب سيليكون وادخلهم التلاجة تتماسك وبعد كده اقطعها مكعبات واغلفها بورق فويل او زبده او اكياس بحجم صغير واستعملها في اي ووقت واخزنها في علبة في التلاجة .