السويسرول 

المقادير :
كوب الا ربع دقيق 
كوب الا ربع سكر ناعم منخول 
3ملعقة كبيرة كاكاو خام 
4بيضات 
ملعقة صغيرة فانيليا 
ملعقة كبيرة بيكينج بودر 
رشة ملح
للحشو :
نصف كوب سكر بودرة 
كوب ربع حليب مثلج
كوب كريم شانتي خام
2ملعقة كبيرة كاكاو خام 
الجناش :
2ملعقة كبيرة كريم شانتي خام 
ربع كوب ماء 
نصف كوب شيكولاتة خام 

الطريقة :
1- احضر 2بولة نظيفة ناشفة جدا والمضرب ناشف وابدء افصل الصفار عن البياض علي البياض انزل الملح واخفق لغاية ميبقا قوامة عالي ابيض وفوم جامد مبينزلش من البولة وابدء انزلة نص كمية السكر مع الخفق معلقة معلقة كل متختفي انزل التانية .
2- الصفار اخفقة الاول لغاية ميبقي كريمي وانزل السكر وافضل اخفق لغاية ميتجانسم والقوام يعلي معايا وانزل البيكينج بودر والكاكاو علي الدقيق وابدء انخلهم علي الصفار شوية بشوية مع التقليب براحة خلاص تجانسم والدقيق اختفا .
3- ابدء انزل شوية بشوية من البياض مع التقليب براحة جدا من تحت لفوق لغاية ميتجانسم لو مش حباها شيكولاتة وعاوزاها فانيليا يبقا تغيري كمية الكاكاو وتحطيها دقيق وتكملي بقية الطريقة عادي .
4- هاتي صنية مدهونة وعليها ورقة زبدة ومدهونة بردو وانزل الخليط وافردة وحجم السويسرول يعتمد علي حجم صنيتك وده حسب اختبارك ادخلها فرن سخن علي 170 ع الرف الوسطاني لمده ربع ساعة وافتح الفرن فتحة بسيطة بعد مطفي النار شوية واخرجها واسبها تهدا .
5- اعمل الكريمة انزل في بولة الكريم شانتية والسكر والكاكاو وانزل اللبن واخفق لغاية ميبقا القوام كريمي وعالي وابدء احشي السويسرول بعد مهدا واخطة علي بلاستيك وابدء الفة رول مع الضغط البسيط واقفلها من الجوانب وع التلاجة لمده 4ساعات .
6- قبل متطلع بمده ربع ساعة اعمل الجناس حلة علي النار انزل المية تسخن انزل الكريم شانتي واخفقهم كويس واطفي وانزل الشيكولاتة واقلب لغاية متدوب تماما واطلع السويسرول والجناش هدا وابدء ازينها كل ده علي حسب راحتك وكمان الكريمة ممكن تستغني عن الكاكاو فيها وتستبدلية بكريم شانتية بنفس كمية الكااكاو لو هتبقا فانيليا وزينيها وقطعيها وقدميها وبالف هنا