وافل حادق

المقادير :
كوب ونصف دقيق 
كوب ونصف لبن 
2بيض
نصف كوب جبنة شيدر مبشورة 
ملعقة كبيرة زبدة زائبة 
ملعقة كبيرة خل 
2ملعقة صغيرة بيكينج بودر 
ملعقة كبيرة زعتر 
ملح
فلفل اسود
للحشو والتزيين :
كابوتشي شرائح
طماطم شرائح
فلفل الوان شرائح
جبنة شيدر شرائح
ربع كيلو رومي مدخن 
ربع كيلو روز بيف مدخن 
3شريحة صدور فراخ مشوية 
زيتون اخضر مخلل
مايونيز
كاتشب 
صوص الجبنة
بطاطس محمرة 
الطريقة :
1- في البولة انزل اللبن والبيض والخل وملح ورشة فلفل اسود والزبدة واخلطهم مع بعض كويس بالمضرب الكهربائي او اليدوي او الخلاط وانزل الشيدر وممكن رومي والدقيق واخلطهم تاني كويس لغاية موصل للقوام المناسب من غير اي كلكيع.
2- اسيبة مده نصف ساعة يرتاح واستخدم مكنة الوافل وتكون سخنة وادهنها بالزيت كويس وانزل العجينة بس مش اكترعشان ميفورش واقفل علية ومفتحش الا بعد 7دقايق واول ميستوي اطلعة علي طبق واسيبة يبرد .
3- ممكن استخدم قوالب الفوافيل السيليكون ادهنها زيت كويس وانزل فيها العجينة وادخلها فرن سخن علي 180 درجة علي الرف الوسطاني لغاية متاخد للون واطلعها .
4- بعد مقطع الوافل بردت هستخدم الحشوات المفضلة للاولاد والموجوده عندك انا هجيب قطعة هدهنها كاتشب ومايونيز وهحط قطع كابوتشي وشيدر وطماطم ورومي مدخن وصوص جبنة واقفل بقطعة من فوق واثبتها بستيكس فيه زتونة عشان الشكل يغري الاولاد.
5- اجيب قطعة تانية وادهن كاتشب ومايونيز وكابوتشي وقطع فراخ مشوية وفلفل الوان وطماطم وجبنة شيدر وصوص الجبنة وقطعة وافل من فوق واثبتها بالزيتون والاستيكس وممكن تستخدمي الروز بيف بنفس الطريقة الحشو ده حسب رحتك مش ملتزمة بنفس الخطوات والحشوات .