عجينه الميل في حلو وحادق 

المقادير :
3كوب دقيق 
2ملعقة كبيرة خل 
3ملعقة كبيرة زيت 
ماء دافيء للعجن 
رشة ملح
1/4 كيلو زبدة للفرد

الطريقة :
1- في العجان انزل الدقيق والملح والخل والزيت واعجن بالماء الدافيء حتي اصل لقوام عجينة طرية واعجنها لمدة 7دقايق لغاية متنعم خالص واسبها في بولة واغطيها نص ساعة ترتاح .
2- اجي بعد مرتاحت افرد العجينة مستطيل بسمك نص سنتي وابدء افرد عليها الزبدة او ابشرها عليها كل الزبدة وابدء اطلفها من النحيتين تبقا مربع والفها في كيس وادخلها التلاجة 4ساعات .
3- اطلع العجينة وابدء افردها مستطيل تاني واعيد تطبيقها بنفس الطريقة وادخلها التلاجة ملفوفة تاني وعلي نفس الخطوة 4مرات وعشان متتلخبطيش كل مرة تدخليها علمي بصبعك في العجينة دي الخطوة الكام .
4- خلاص عملنا الخطوات  هبدء بقا افردها مستطيل او دايرة حسب الصنف اللي هتعملية تعملي منها كرواسون او باتية او دناش او قراطيس او ساليزون اي حاجة انتي عاوزاها ومممكن كمان حلو وده اللي هنعرفة .
5- عشان تعمليها صنف حلو ازاي بتفرديها مستطيل وتحطيها في صنية عليها ورقة زبدة وتبدئي تعمللها فتحات بالشوكة عشان متعلاش وحطي عليها ورقة تانية وصنية ودخليها فرن سخن علي 170 درجة  من 10الي 15دقيقة وهتلاقيها اخدت لون دهبي سبيها تبرد .
6- اقسمي العجينة الي نصين بالطول واحشي بقا مربي او كريمة او كريمة بالشيكولاتة وحطي عليها النص التاني ونزلي عليه اي صوص وزينيها التتزين اللي انتي حباه وقسميها زي الجاتوة بسكينة مشرشرة عشان يقطع معاكي بسهولة  وقدميهم بالف هنا .