كوسه بالبشاميل

المقادير :
كيلو ونصف كوسة شرائح
نصف كيلو لحمة مفرومة
2بصل مفروم
لتر ونصف لبن
7ملعقة كبيرة دقيق
3ملعقة كبيرة قشطة
زيت وزبدة
ملح
فلفل اسود
رشة سكر
حبهان بودر
رشة كمون
السبع بهارات

الطريقة :
1- في طاسة علي النار انزل زيت وزبدة وانزل الكوسة ولازم تكون شرائح سميكة مش رفيعة عشان متتهريش واقلب فيها من وقت للتاني اول متدخل في السوا اتبلها ملح وفلفل وكمون واقلب فيها لغاية متستوي .
2- في طاسة تانية انزل زبدة وزيت تسخن انزل البصلة واشوحها اول متدبل انزل الحبهان والسبع بهارات واقلبها لغاية متاخد لون بسيط انزل اللحمة واقلبها لغاية متغير لونها خالص انزلها الملح والفلفل والسكر واقلب واسيبها تنزل ميتها وتشربها وتبقا كده اتعصجت واستوت .
3- في حلة انزل زيت وزبدة حوالي 7ملاعق ويسخنم انزل الدقيق مع التقليب المستمر واول مالدقيق يدخل في السوا ويبيض انزل 1/3 اللبن مع التقليب ع طول عشان الدقيق يفك كويس وانزل 1/3 باقي اللبن واتبل ملح وفلفل وايدي فية مسبوش وانزل الباقي وافضل اقلب لغاية مالبشاميل يغلي ويتقل انزل معلقتين قشطة واقلبها معاهم واطفي.
4- في طاجن انزل كبشة من البشاميل واوزعها في الارضية وانزل طبقة من الكوسة وانزل اللحمة وارص عليها باقي الكوسة وانزل كمية البشاميل واوزع باقي كمية القشطة ع الوش وادخلة فرن سخن علي 200لمده نصف ساعة ع الرف الوسطانيلغاية متتحمر وتاخد لون حلو واخرجها واقدمها .