الجبنة القريش والمش والقشطة
المقادير :
لبن
ملعقة صغيرة حلبة مطحونة
فلفل احمر
ملح
الطريقة :
1- لما تجيبي اللبن عشان تختبرية هو رايب ولا لا هاتي معلقة من اللبن وحطيها علي النار تغلي لو زي مهيا سيبة استعملي اللبن عادي اغلية واشربية عادي .
2- لكن لو لقتية قطع وكتل تعالي اقلك هتعملي بيه المش والجبنة القريش والقشطة ازاي وممكن طبعا تعملي باللبن العادي الطازة المهم ان اللبن يكون نوعية كويسة ومضمون انة دسم .
3- هاتي طاجن نضيف وناشف ودفية علي النار ونزلي اللبن فية وغطية كويس ودخلية فرن مدفينة وسبية 24 ساعة من غير محد يحركة خالص .
4- تاني يوم هتلاقية اتماسك شيلي القشطة اللي علي الوش في طبق هاتي بقا مصفة سلك وتحتها طبق ونزلي فيها البن الرايب وعلية معلقة كبيرة ملح وقلبيها في اللبن بس متكتريش عشان تكون دلعة واضغطي عليه بكيس فيه مية وسبية لغاية ميصفي ميتها خالص وخديها وقطعهيها وهيا دي الجبنة القريش .
5- من نفس اللبن الرايب ده ممكن تعملي منة المش في الكبة هناخد الفلفل الاحمر ده حسب الرغبة من قرن لتنين والحلبة ولكل كوباية لبن رايب ملعقة كبيرة ملح واخلطهم كويس جدا واخد شرش اللبن ونعملة بنفس الطريقة لكل كوباية منة ملعقىة كبيرة ملح من غير الحلبة وهنخلط المش كلة اللبن الرايب اللي عملناه والشرش وهنحطهم في علبة وعليهم شرايح فلفل اخض ر وقشر يوسفي وندخلة التلاجة وممكن نزود علية اي وقت .
6- ممكن من اللبن الرايب ده بردو تستخدمية في عجن البكاكين والقرص الطرية واي معجنات وممكن نستخدمة زي الزبادي وناكلة للاولاد حلو جدا لمعدتهم وبالف هنا وشفا .
ليست هناك تعليقات:
إرسال تعليق