ماد كيك

المقادير :
كوب وربع دقيق
ربع كوب كاكاو خام
نصف كوب زيت
نصف كوب لبن
3/4 كوب سكر
2بيضة
ملعقة صغيرة فانيليا
ملعقة كبيرة بيكينج بودر
ملعقة صغيرة قهوة سريعة الذوبان
رشة ملح
للصوص :
كوب لبن
نصف كوب سكر
نصف كوب كاكاو
ربع كوب زيت
للكروكان :
كوب سكر
2ملعقة ماء
ملعقة صغيرة كربوناتو (بيكربونات الصوديوم)
كوب عين جمل
للجناش:
كوب كريمة طهي
ربع كيلو شيكولاتة مبشورة

شاهد ايضا :  طريقة عمل كيكة التايجر 

الطريقة :
1- في بولة انزل البيض والسكر والفانيليا واخفق لغاية موصل لقوام كريمي هش وانزل الزيت واخفق يمتزج الزيت انزل اللبن مع الخفق لغاية ميمتزجو مع بعض .
2- في بولة انزل الدقيق والكاكاو والبيكينج بودر والقهوة واقلبهم مع بعض والافضل ان يكون الدقيق منخول مرتين تلاتة وابتديب انزلهم علي الخليط واخفق ع اقل درجة لغاية مخلص كل كمية الدقيق والخليط يمتزج.
3- في البيريكس ويكون مدهون زيت و انزل الخليط وادخلة فرن سخن علي 170درجة علي الرف الوسطاني  لمدة ربع ساعة واختبرها من النص لو استوت يبقا تمام اطلعها واسبها تبرد لو لسه اسبها ثواني تستوي .
4- في الخلاط انزل اللبن والسكر والكاكاو واخلطهم كويس جدا واول ميختلطو انزل الزيت سرسوب رفيع جدا مع الخفق لغاية مخلص كمية الزيت  واقلب الكيكة وانزلها القالب تاني اعملها فتحات بالاستيكس واوزع الصوص عليها كلة لغاية متتشربها .
5- في طاسة علي النار انزل السكر والماء واسبهم يتكرملو وابدء اهز الطاسة مقلبش عشان ميكتلش اهز بس لغاية مالسكر كلة ياخد نفس اللون الدهبي واكون مبشراه ولازم اكون محضرة جمبي صنية الومونيوم ومدهونة زيت اول مخلاص كلة اخد اللون انزل الكربوناتو وابعده عن النار خالص مع التقليب المستمر وانزل عين الجمل واقلب كويس وانزلة الصنية وابطط علية معلقة خشب او سيليكون لانة بيكون سخن جدا واسيبة يبرد خالص واكسرة .
6- في حلة علي النار انزل الكريمة يدوب تسخن اشلها من ع النار وانزل الشيكولاتة واقلبها كويس لغاية مالشيكولاتة كلها تدوب خالص وتلمع وانزلها علي الكيكة وهيا سخنة وبعد مالروكان يبرد اكسرة ووزعة علي وش الكيك واسبها تبرد خالص  ودي مش بتتقطع دي بتتغرف .