ارز بسمتي ابيض بالشاورما 

المقادير :
الشاورما :
نصف كيلوصدور واوراك فراخ شرائح
نصف كوب خل 
ملعقة كبيرة بصل بودرة 
ملعقة صغيرة ثوم بودرة 
رشة سكر 
رشة بابريكا 
زعتر 
زنجبيل 
ملح
فلفل اسود
رشة حبهان بودرة 
الخضار :
فلفل رومي شرائح
طماطم شرائح
بصل شرائح
بقدونس مفروم 
للارز :
2كوب ارز بسمتي 
4كوب ماء مغلية او شوربة 
ملح
فلفل اسود

الطريقة :
1- في بولة انزل شرائح الفراخ والملح والفلفل والبابريكا والزعتر والبصل والثوم والزنجبيل والسكر واقلبهم وانزل الخل واقلب كل المكونات مع بعض واسبها تتبل لتاني يوم او اسبها من2ساعة الي 4ساعات .
2- بعد متتبل طاسة علي النار فيها زيت سخن جدا وانزل الشاورما وافردها في الطاسة بعد متاخد لون من تحت اقلبها تكمل تاخد لون من الجهة التانية ومقلبش كتير عشان متنشفش بعد مخدت لون حلو اوسع وانزل البصل واشوحهم مع بعض .
3- اتشوحم انزل الفلفل والطماطم واعطيهم تشويحة بسيطة مع بعض مش عاوزاها تدبل خالص اطفي وانزل البقدونس واقلبهم مع بعض .
4- للرز حلة علي النار انزل سمنة وزيت او زيت بس او زبدة وزيت حسب المتوفر وانزل تسخن كويس جدا انزل الرز ويكون منقوع نصف ساعة ومتصفي كويس وانزلة وافضل اقلب فيه لغاية ميسخن كويس وانزلة المية او الشوربة مغليين واظبط ملح وفلفل اسود اغطية واسيبة يتشرب واهدي النار واسيبة يستوي .
5- بعد مخلاص الرز استوي  اجيب طبق وانزل فيه الرو والشاورما اقدمها علي وش الرز وقدميهم بالف هنا .