فطائر جبنية 

المقادير :
2كوب ونصف دقيق 
6 قطع جبنة كريمي 
3ملعقة كبيرة زيت 
ملعقة كبيرة سكر 
ملعقة كبيرة خميرة 
ملعقة صغيرة بيكينج بودر 
بيضة 
3/4 ماء دافيء للعجن 
رشة ملح
زيت غزير للقلي 
2كوب سيرب متوسط القوام 

شاهد ايضا : طريقة عمل لقمة القاضي

الطريقة :
1- في بولة او العجان انزل الدقيق والملح والسكر والخميرة والبيكينج بودر واقلب كل المكونات اجافة وانزل الزيت والجبنة والبيضة واعجن كويس كل المكونات مع بعض وابدء انزل الماء وحده وحده لغاية مالعجينة تلم واعجنها مده 10دقايق واغطيها واسبها في مكان دافي تختمر .
2- بعد مالعجينة تخمر هبدء اخدها وافردها علي الرخامة ومن جوة لبرة من كل الجهات لغاية متكون بسمك نصف سنتي وابدء بالقطاعة اقطعها الشكل اللي تحبية حسب رحتك وزوقك والمتوفر واسبها 5دقايق ترتاح وانزلها علي زيت سخن جدا غزير ع نار متوسطة .
3- افضل اقلب فيها مسبهاش خالص هتلاحظي انها هتنفخ وتاخد اللون الدهبي من كل الجهات طلعيها علي مناديل مطبخ ونزليها في السيرب اللي هو شربات الحلويات وميكنش لا تقيل ولا خفيف وطلعيها ع مصفا تتصفي خالص من اي شربات زيادة وقدميها مع جوز هند مكسرات ع الوش ممكن بلاش سيرب وتحطي ع الوش سكر بودرة او صوص كراميل او صوص شيكولاتة والعجينة اللي تتبقا ترتاح وتتفرد تاني وكملي بنفس الطريقة .