الفراخ المحشية في الكيس الحراري

المقادير :
فرخة بلدي كيلو 
للتتتبيلة :
بصلة ارباع
1طماطم ارباع 
ملح
فلفل اسود
رشة سكر 
للحشو :
اكوب ارز 
كبد فراخ مقطعة 
2فص مستكة 
قرفة 
ملح
فلفل اسود
حبهان بودر 
بصلة كبيرة مقطعة صغير 
2طماطم مبشورة 
ملعقة صغيرة ثوم مفروم 
بصل معبات 
طماطم مكعبات 
جزر مكعبات 
كرفس مقطع
فصوص ثوم

شاهد ايضا : طريقة عمل الفراخ المشوية فى الفرن

الطريقة :
1- عندي فرخة كيلو مغسولة ومنقوعة في مية ووخل نصف ساعة ومتصفية كويس وفي الكبة او الخلاط نزلي البصلة والطماطم وملح وفلفل ورشة سكر واخلطيهم كويس جدا وتبلي الفرخة من جوة ومن برة ومن تحت الجلد واللحم وسبيها نصف ساعة تتبل .
2- في طاسة علي النار انزل زيت ويسخن كويس جدا ونزلي الرزويكون منقوع نصف ساعة ومتصفي كويس جدا  وشوحية كويس جدا يسخن ويفلفل ويبتدي ياخد لون بسيط وسعي مكان في النص نزلي المستكة واول متسيح نزلي ملح وفلفل وقرفة علي قد الرز بس وقلببهم مع بعض اول مالرز ياخد لون بني نزلي البصل والثوم والطماطم وقلبيهم تقليتين واطفي النار .
3- في طاسة نزلي مادة دهنية ونزلي الكبدة ومتتقطعش غير بعد متتغسل كويس وتتصفي خالص وتتقطع نزليها ومتقلبيهاش خالص غير لما تاخد لون من تحت قلبي تاخد لون من الناحية التانية واعطيها ع قدها بردو ملح وفلفل ورشة حبهان ورشة سكر وقلبيهم مع بعض وسبيها تستوي واول متستوي سبيها هيا والرز يبردم خالص  وابتدي احشي الفراخة بالرز والكبد وقفليها ودخليبها الكيس الحرارى ونزلي معاها كرفس وجزر وطماطم وبصل وفصوص ثوم واقفلي الكيس بالقفل ونزليها صنية ونزلي عليها مية سخنة تبقا نصف الصنية واعمل فحتات في الكيس الحراري ودخليها الفرن سخن علي 200 علي الارضية نصف ساعة والرف الوسطاني نصف ساعة وخرجيها وقدميها .
4- اما بالنسبة للرز المتبقي نزلي عليه مية سخنة او شوربة سخنة يدوب شوية صغيرين لازم يكون الرز باين من المية واسيبة يتشرب وع نار هادية اسيبة يكمل سواه واقدمة مع الكبد والفرخة .