لفائف سوسيس بعجينه الرايب 

المقادير :
نصف كيلو دقيق
ربع كوب زيت 
كوب ونصف لبن رايب
ملعقة كبيرة سكر 
ملعقة كبيرة خميرة 
رشة ملح
للحشو :
سوسيس
كوب ميكس جبن 
2ملعقة كبيرة زبدة ذائبة 
لدهن الوجة :
بيضة 
2ملعقة كبيرة لبن 
رشة قهوة سريعة الذوبان 
رشة سكر 
حبة البركة 
سمسم 

الطريقة :
1- لمل اللبن الرايب اجيب اي طاجن عندي بيريكس او فخار او اي نوع عندي واكفية علي النار يعني وشة يكون لتحت عشان ادفية لمده دقيقتين وانزل فيه اللبن واكون مدفية الفرن لمده 5دقايق واغطي اللبن وادخلة الفرن ليلة كاملة من غير ميتحرك خالص .
2- تاني يوم هيكون عندك لبن رايب تاخدي منة القشطة من ع الوش وممكن كمان تكلية زي الزبادي حلو جدا وممكن تنزلية في مصفا سلك ضيقة وتحطي علية تقل ينزل ميتة ويكون عندك احلا جبنة قريش .
3- في العجان انزل الدقيق والسكر والملح والخميرة واقلب المكونات مع بعض انزل الزيت واللبن الرايب وافضل اعجن في العجينة لغاية متلم اعجنها لمده 10دقايق لغاية متبقا معاكي عجينة طرية وناعمة جدا ولو هتنزلي الخميرة الزم تكون مضمونة او تختبريها.
4- اسيب العجينة في بولة واغطيها واسبها في مكان دافي لغاية متخمر ويتضاعف حجمها واقسمها كورتين واخد الاولي افردها بسمك نصف سنتي واقطعها مثلثات كاني بقطع بيتزا واجي علي الطرف العريض واعمل فتحة بسيطة بالقطاعة .
5- ادهن المثلثات بالزبدة واجي علي الطرف العريض ابتدي احط سوسيس وجبن والف وامسك من الطرف واشد وانا بلف واول موصل للطرف وارصهم علي صنية عليها ورقة زبدة او صنية الومنيوم مدهونة زيت واخلص الكمية واسبها تخمر تاني ويبقا حجمها الضعف .
6- في بولة انزل البيض واللبن والسكر والنسكافية واخلطهم وابتدي ادهن الوش براحة خالص عشان مضيعش الخمروارش الوش بحبة البركة او السمسم  وادخلها فرن سخن علي درة عالية 200او 220 علي الارضية اول متاخد لون دهبي طلعيها علي الرف الوسطاني وولعلها الشواية تاخد لون من الوش حلو ولو الشواية والارضية بيولعو مع بعض يكون افضل وطلعيها قدميها بالف هنا .