بفتيك كداب

المقادير :
نصف كيلو لحمة مفرومة ناعم
بصلة مفرومة 
رشة سكر 
ملعقة صغيرة بهارات لحمة 
ملح
فلفل اسود
للتغطية :
2بيض
2ملعقة كبيرة لبن 
كوب دقيق
كوب بقسماط مطحون
2ملعقة كبيرة نشا 
نصف كوب دقيق 
زيت غزير ساخن للقلي 

شاهد ايضا : طريقة عمل البفتيك او الاسكالوب بانية بطريقة الشيف فاطمه ابو حاتي

الطريقة :
1- في بولة انزل اللحمة والبصل والملح وفلفل اسود والسكر والبهارات واعجنها كويس اوي مده 5دقايق هتلاقيها نعمت وبدءت تطلع خيوط.
2- اقسمها كور كبيرة 5او 6حسب رحتك وحسب الحجم اللي عاوزة الفتيك يكون علية  هاتي كيسن تلاجة مفتوحين وحطي قطعة اللحم بينهم وافرديها بشكل عشوائي ويكون رفيع وكملي كل الكمية بين كيسين  ودخليهم الفليزر لغاية متجمد .
3- لازم كل قطعة يكونو بين كيسين بعد متجمد القطع اجهز بيض ولبن ورشة فلفل والافضل انهم يكونو في طبق مفرد وفي طبق دقيق وفي طبق دقيق علي البقسماط ع النشا واقلبهم كويس اوي وهاتي قطعة البفتيك نزليها في الدقيق وبعدين البيض وبعدين خلطة البقسماط بالدقيق بالنشا وعلي زيت سخن اوي وغزير وع نار متوسطة انزل البفتيك خدي بالك لو الزيت مش سخن اوي طبقة القشرة اللي عملناها هتفك ولو النار مش هتدتيها بقت متوسطة هياخد لون ع طول من غير ميستوي وكملي كل الكمية حسب احتياجك والباقي فرزية في طبق مفرد بينة طبقات من اكياس السندوتشات المفتوحة ووقت متحتاجية تطلعي وحمري ع طول .