فراخ مشويه بالخضار
المقادير :
فرحة
نصف كيلو بصل مكعبات
نصف كيلو بطاطس مكعبات
نصف كيلو جزر مكعبات
3طماطم مكعبات
6فص ثوم كبير شرائح
2عود كرفس شرائح
للتتبيلة :
2ملعقة كبيرة كاتشب
2عود روز ماري
ملعقة صغيرة زعتر
ملعقة صغيرة باربريكا
ملعقة صغيرة ثوم بودر
ملعقة صغيرة بصل بودر
رشة حبهان
ورق لورا
ملح
فلفل اسود
الطريقة :
في بولة انزل الكاتشب والملح والفلفل والبصل والثوم البودر والبابريكا ةالحبهان واقلبهم مع بعض واخلي بالي من الملح يبقا كتير شوية عشان هتبل الفرخة والخضار .
2- في بولة تانية انزل البصل والطماطم والجزر والكرفس والثوم والروز ماري واللورا والزعتر.
3- ابدء اتبل الفرخة من بره من جوة وتحت الجلد كويس جدا بعد متنضفت واتغسلت كويس والتتبيلة الباقية نزلها ع الخضار واقلب كل الخضار مع بعضة .
4- في كيس حراري انزل الخضار والفرخة وممكن ابيتهم ليلة في التلاجة يكون افضل او اسبها ساعتين وانزلها في صنية بعد مقفل الكيس كويس عليهم واعمل للكيس فتحات بالسكينة وانزلهم مية سخنة في الصنية تعمل بخار للتسوية .
5- ادخلها الفرن علي الارضية علي درجة حرارة 200 او اعلي درجة عندك واول متغلي اطلعها الرف الوسطاني واهدي النار خالص لمده ساعة وهتبقا زي الفل مستوية ومتحمرة وروعة قدميها مع الخضار او الخضار اللي بتحبية حطية معاها وبالف هنا .
ليست هناك تعليقات:
إرسال تعليق