طعميه بيتي 

المقادير :
نصف كيلو فول مدشوش
نصف كوب حمص
حزمة خضرة مشكلة شبت وكزبرة وبقدونس وكرات 
6فص ثوم
2 بصلة متوسطة 
كوب ماء 
ملعقة كبيرة ملح
ملعقة كبيرة كزبرة جافة 
ملعقة صغيرة كمون 

شاهد ايضا : طريقة عمل تدميس الفول

الطريقة :
1- في الكبة انزل الفول والحمص وبيكونو منقوعين ليلة في المية وانزل الخضرة والثوم والبصل وافرمهم كويس ولو المقدار اكتر من الكبة اقلك تعملي اي والافضل طبعا انك تحطي علي قد الكية .
2- حطي ع قد كبتك شوية من الفول والحمص وبصلة وثوم ووشوية من الخضار وافرمي مع نزول شوية بشوية من المية لغاية مالعجينة يكون سمكها كويس .
3- نزلي الخليط  في البولة وسبي شوية من الخليط المفروم وانزل باقي المقدار وافرم الشوية اللي سبناهم دول هيسعدوكي علي فرم باقي الكمية خلاص فرمتيها نزلي كلو ع بعضة في الكبة وملح وكزبرة وكمون وفرمي تاني .
4- فرزي بقا في اكياس وبططيها كده وخرجي الهوا ع قد الكميات اللي تحتاجيها انا بقلي الطعمية باخد شوية من العجينة وشوية خضرة مقطعة رفيع خالص وشوية كزبرة وكمون وسمسم واقلبهم واقلي في زيت غزير شوية حلوة جدا ممكن تاخدي شوية وتقلبي معاها بيضة وتقلبي المهم انها لا اسودت ولا اتغير لونها المهم متكتريش الخضرة لان هيا اللي بتخليها تسود ولما تفرزيها وتحبي تطلعيها اضربيها ضربة بالكبة او المضرب مش هتحتاجي لكربوناتو خالص هتبقا هشة جدا.