كنافه بورمه
المقادير :
نصف كيلو كنافة طرح
2كوب كريم باستتير او قشطة كدابة
نصف كيلو سمنة زائبة
شربات :
2كوب سكر
كوب ماء
عصير ليمونة
الطريقة :
1- اجيب طرحة من الكنافة وارشها ببخاخ من المية بسيط واقيس علي عرض الصنية واقص وفي النص انزل بالكريم باستتير احطة في كيس حلواني وانزل بالطول في النص بالظبط واسيب من الطرفين شوية وابتدي ابرم بالطول براحة كده .
2- اسند وابرم ممكن الطرحة من الكنافة يكون فيها فتحات ممكن اقفلها بقطع من الكنافة المقصوصة وابتدي انزلها في الصنية المدهونة سمنة .
3- ده شكل ممكن بنفس الخطوات ابرمها والفها حولين نفسها رول ممكن نفس الطرحة وارشها بالبخاخ وانزل قشطة او مكسرات او فستق وابتدي الف رول وارصهم بجانب بعض كويس جدا لازم يكونو لازقين ببعض في الصنية .
4- اجيب السمنة وابتدي بالفرشة واوزع علي وش الكنافة ادهنها بالسمنة كويس جدا وادخلها فرن سخن علي 180درجة تاخد لون من الجوانب ومن تحت لما الجوانب تحمر اعرف انها اخدت لون حلو ومن فوق اولع عليها الشواية تاخد لون حلو من فوق واطلعها واعطيها الشربات البارد ممكن كمان اقطعها حلقات .
5- للشربات اضع الشربات علي النار اضع في حلة السكر والماء والعسل تغلي بسيط انزل عصرة لمونة نصث ساعة ويكون الشربات جاهز بدون اي تقليب واسيب الشربات يبرد خالص
ليست هناك تعليقات:
إرسال تعليق