سوسيس منزلي

المقادير :
لتخليل اللحمة :
نصف كيلو  لحمة حمرا
ربع ملعقة صغيرة ملح نيتريت الصوديوم (ملح لتخليل اللحوم )
100جرام ملح (كيلو )
ماء
ورق لورا
حبهان
عود كرفس
لعمل السوسيس :
نصف كيلو لحمة مخللة
ملعقة كبيرة عسل نحل
ملعقة كبيرة مستردة
2ملعقة كبيرة بابريكا
2فص ثوم
هانك ضاني
ملح
فلفل اسود
زيت
فحم

شاهد ايضا : طريقة عمل السجق البيتي

الطريقة :
1- اخلط بع ملعقة الملح بكيلو الملح كويس جدا وانزل اللحمة في بولة وعليها معلقة ونص كبيرة واقلبهم وانزل المية والكرفس واللورا والحبهان تغطي اللحمة واغطيها باستريتش وادخلها التلاجة 4ايام .
2- لازم نستخدم ملح التخليل ده مع الملح العادي من غيرة مينفعش نخلل اللحمة لان هتبوظ ومتقلقيش لو لقيتي لونها غير ولون المية غير هيا لازم تتغير كده ومش هتلاقيلها اي ريحة وتخديها تغسليها وتصفيها كويس.
3- نبتدي نعمل السوسيس ناخد اللحمة ونفرمها فرمة كويسة لغاية متبقا ناعمة خالص مهرية بمعني اصح وطبعا ده في الكبة لو مفيش كبة بالمدق وتدقيها تنعم خالص وهيا سقعانة افضل طبعا عشان متغلبكيش .
4- خلاص اتفرمت انزلها مع الفرم العسل والثوم والمستردة والبابريكا وملح وفلفل بسيط خلاص المكونات امتزجت اجيب القمع الخاص بالهانك الضاني بيكون رفيع اوي ممكن تستخدمي مكنة السجق لو متوفرة ممكن مكنة البيتي فور المهم القمع يدهن زيت قبل وضع الهانك وتبتدي تلمي الهانك كاة تدككية كلة علي بوز القمع .
5- ابدئي نزلي بالمعلقة ومعاها نقطة من الزيت تسهل عليكي انها تنزل وحولي متكبسيهاش لاوم تكون مهوية عشان متنفجرش خلصي بقا الكمية وابدئي اربطي بالمقاس اللي انتي عاوزاه حولي بس ان الربطة تكون بعيد عن الحشو بمسافة عقلة صباع من النحيتين ممكن تربطيهم ببعض من غير متقطعيهم وممكن تفصليهم عن بعض حسب رحتك .
6- امنعي الالوان الطبيعية تماما مع الوصفة دي لو حبة تحطي الوان استخدمي لحمة عادية وكملي بنفس الخطوات من غير مرحلة التخليل ده حسب رحتك بعد مخلصتي كمية السوسيس دخلية متغطي الفليزر لتاني يوم ودخلية فرن سخن علي درجة حرارة 100تكون هادية ورصية علي الشبكة وفي الارضية طاجن فيه فحم لانة هيستوي علي دخان الفحم بياخد من ساعة لساعة ونص حسب فرنك واول ميستوي سبية يبرد ويبقا كده جاهز للاستعمال .
ملحوظة :
بنفس طريقة التخليل للحمة ممكن استعمالها في اكلات تانية زي السلامي والبولوبيف والانشون البيتي