كفته بطاطس بالجبنه

المقادير :
كيلو بطاطس مسلوقة ومهروسة
ربع كيلو ميكس جبن مشكلة
بسطرمة
فلفل الوان مقطع صغير
ملح
فلفل اسود
للتغطية :
2بيضة
2ملعقة كبيرة لبن
ملح
فلفل اسود
نصف كوب دقيق
2ملعقة كبيرة نشا
بقسماط

شاهد ايضا : كفتة الفراخ بالمونزاريلا 

الطريقة :
1- البطاطس اسلقها بقشرها واقشرها واهرسها بالايد وانزل عليها الجبنة والبسطرمة اشوحها في قطعة من السمن وانزلها باردة والملح والفلفل والفلفل الالوان وممكن استغني عن البسطرمة واحط فراخ او لحمة مفرومة او اكتفي بالجبنة .
2- اجيب صنية مستطيلة واحط ورقة زبدة وانزل الخليط وافردة كويس وممكن كيس سندوتشات وعليها من فوق ورقة او كيس واحاول اساوي الوش كويس من تحت الورقة وادخلها التلاجة ساعة او الفليزر نصف ساعة .
3- اخرجها واقطعها صوابع او الشكل اللي تحبية وطبق فيه بيض ولبن وملح وفلفل وطبق فيه الدقيق والنشا وطبق فيه البقسماط وانزل علي الدقيق وعلي البيض واخيرا البقسماط واخلص كل الكمية بنفس الطريقة .
4- فرزي بقا الكفتة علي قد مهتفرزي وسخني زيت غزير بقا وسخنية اوي والنار تكون متوسطة ونزلي الكفتة هتلاقيها خدت لون ع طول اقلبيها تاخد لون من الناحية التانية وقدميها طعمها حلو اوي .