الكروكان 

المقادير :
كوب سكر
2ملعقة ماء
ملعقة صغيرة كربوناتو (بيكربونات الصوديوم)
كوب عين جمل او اي مكسرات

الطريقة :
1- في طاسة علي النار انزل السكر والماء واسبهم يتكرملو وابدء اهز الطاسة مقلبش عشان ميكتلش اهز بس لغاية مالسكر كلة ياخد نفس اللون الدهبي واكون مبشراه .
2- لازم اكون محضرة جمبي صنية الومونيوم ومدهونة زيت اول مخلاص كلة اخد اللون انزل الكربوناتو وابعده عن النار خالص مع التقليب المستمر.
3- انزل عين الجمل واقلب كويس وانزلة الصنية وابطط علية معلقة خشب او سيليكون لانة بيكون سخن جدا واسيبة يبرد خالص واكسرة .