نوتيلا اصليه في البيت
المقادير :
كوب زيت
كوب لبن ( الحليب )
نصف كوب نسكويك او 1/3كوب كاكاو خام اسباني
نصف كوب بندق مقشر ومحمص
الطريقة :
1- قشرت البندق ودخلتة الفرن علي الهادي لمده 10دقايق يتشال الرطوبة منة ويتحمص وانزلة في المطحنة مع شوية من زيت المقدار عشان يتطحن كويس .
2- انزل البندق المطحون في الكبة وانزل الحليب المكثف المحلي علية والنسكويك او الكاكاو واخلطهم كويس جدا وانزل شوية من اللبن واخلط وشوية من الزيت واخلط وهكذا لغاية مخلص كل الكمية وتتخلط كويس جدا .
3- ممكن تعملي نفس الطريقة في الخلاط عادي جدا وتنزلي الحليب معاهم والزيت مع الخلط تنزلية سرسوب رفيع لغاية متتخلط كويس جدا ودخليها التلاجة هتتقل اكتر لازم البرطمان او العلبة نضيفة وناشفة جدا وغطيها كويس ودخليها التلاجة تتحفظ في التلاجة .
تسلم ايديك على كل حاجه .. لو سمحتى طريقه الشوكولاته الخام
ردحذفحبيبتى تسلميلى ودى طريقة الشيكولاتة الصلبة ( الخام )
حذفالمقادير :
4 ملعقة كبيرة لبن بودرة
6 ملعقة كبيرة كاكاو خام ( كاكاو خام اسبانى )
5ملعقة كبيرة سكر بودرة
سمن نباتي زائبة
الطريقة :
1- في الكبة انزل السكر واللبن والكاكاو في الكبة واخلطهم لغاية مينعمو خالص .
2- اكون مجهزة 3ملاعق سمنة سايحة وانزل الخليط واقلب انا عاوزة الخليط يكون سايل بس مش خفيف .
3- ابدء اقلب وانزل سمنة عند الحاجة كل محتاج انزل لغاية مالخليط يبقا تقيل بس سايل يعني بسمك البشاميل .
4- في قوالب السيليكون او قالب فريزر وانزل فيه الخليط وادخلة التلاجة يتماسك لغاية ميبقا صلب واغلفها واحفظها في التلاجة لوقت الاستخدام .
تسلمي ايدك حاجاتك دئما حلوة واقتصادية وسهلة بتتعمل باقل تكلفة ممكنه ❤❤❤❤
ردحذف