تارت كنافه بالمانجو

المقادير :
نصف كيلو كنافة
نصف كوب سمنة ذائبة
ربع كوب سكر بودرة
كيلو مانجو مكعبات
جيلي تلميع
نصف كوب سيرب
للكريمة :
كوب كريم شانتي
 كوب سكر بودرة
كوب كريمة خفق حلويات
كوب ونصف لبن مثلج

الطريقة :
1- في بولة انزل الكنافة والسمنة واقلبهم مع بعض كويس لغاية مكل الكنافة تتشرب السمنة وانزل السكر واقلبهم مع بعض .
2- طبعا الافضل ان الكنافة تكون بايتة ليلة في الفليزر وتخرج متجمده وتتكسر هيكون اسهل ونحط السكر بعد السمنة عشان يتماسك نعاهم اسهل .
3- هاتي قالب التارت ونزلي الكنافة فيها اضغطيها كويس واعملها اطراف التارت دخليها فرن سخن علي الرف الوسطاني علي درجة حرارة 200لغاية متاخد لون احمر من تحت وفوق .
4- تطلع واسقيها بالسيرب بس مش كتير من 3الي 4ملاعق كبار ميكونش تقيل اوي ولا خفيف اوي ويكون بارد بعد مسقيها اعمل الكريمة اخفق في بولة الكريم شانتي مع السكر واللبن واخفقهم مده ربع ساعة وبعدها انزل الكريمة واخفق لغاية ميمتزجو كويس جدا مده 5دقايق كمان وانزلهم علي التارت .
5- انزل مكعبات المانجو واوزعها علي التارت والمع الوش بتاع المانجو وازينها التزيين المناسب وادخلها التلاجة تتماسك .