طاجن فاصوليا بيضاء باللحمة
المقادير :
نصف كيلو لحمة مكعبات مسلوقة
ربع كيلو فاصوليا بيضاء مسلوقة
بصلة مفرومة
ملعقة صغيرة ثوم مفروم
كوب عصير طماطم
ملعقة كبيرة صلصة
زبدة
رشة سكر
ملح
فلفل اسود
رشة بهارات سبعة
الطريقة :
1- في حلة انزل الزيت واول متسخن انزل اللحمة تتشوح كويس وانزلها مية سخنة وجزرة وطمطماية وكرفس شرائح وثوم شرائح وبصلة ورشة سكر واسبها تغلي واهدي النار واسبها تتسلق واول متدخل في السوا اظبط الملح واسبها تكمل سواها وبعد متتسلق اصفيها من الخضار .
2- بعد منقي الفاصوليا واغسلها انقعها ليلة واسلقها واصفيها وفي حلة علي النار انزل الزيت والزبدة تسخن انزل البصلة واشوحها وانزل الثوم واشوحة لغاية ميطلع ريحتة والبصلة تاخد لون بسيط .
3- انزل عصير الطماطم والصلصة وملح وفلفل ورشة سكر ورشة بهارات اخد اللحمة وانزلها علي الطماطم واقلبهم مع بعض وانزل الفاصوليا .
4- واغطيها بالشوربة بتاعة اللحمة اقلبهم مع بعض تغلي غلوة وانزلها في طاجن بيريكس واغطيها بالفويل وادخلها الفرن علي الرف الوسطاني فرن سخن علي درجة حرارة عالية لغاية متكمل تسويتها وتتسبك كل المكونات مع بعض.
ليست هناك تعليقات:
إرسال تعليق