بوريك 

المقادير :
كيلو دقيق 
2علبة كبيرة زبادي 
3ملعقة كبيرة لبن بودرة 
ملعقة كبيرة بيكينج بودر 
ملعقة كبيرة خميرة فورية 
ملعقة كبيرة  سكر 
ملعقة كبيرة خل 
ملعقة كبيرة صلصة 
ربع كوب زيت 
رشة ملح
كوب وربع ماء دافيء 
للحشو:
ربع كيلو جبنة اسطمبولي 
كوب جبنة مونزاريلا 
زتون اسود
لدهن الوجة :
2ملعقة كبيرة لبن بودرة 
ملعقة كبيرة سكر 
رشة قهوة سريعة الذوبان 
2ملعقة كبيرة ماء 
2ملعقة كبيرة حبة البركة 

الطريقة :
1- في العجان او علي ايدك في بولة نزلي الدقيق ويكون منخول مرة وانزل علية الملح والسكر والخميرة واللبن البودر والبيكينج بودر واقلب المكونات الجافة مع بعض .
2- طبعا لو مش متاكده من الخميرة بتاعتك اختبريها اول مع ربع كوب ماء ونزلي معاها السكر قلبيهم وسبيها تفور وتعلا لو علت نزليها وكملي عجن لو معلتش يبقا تغيريها فورا .
3- بعد مقلبنا المكونات الجافة نزلي الزيت والزبادي و الصلصة  واعجني وابدئي تنزلي المية وحده وحده لغاية مالعجينة تكون طرية وافضل اعجني فيها لغاية متبقا ناعمة بعد متلم وتبقا طرية .
4- غطي العجينة وسبيها تخمر ويتضاعف حجمها اخدها وافردها بسمك نصف سنتي وبالقطاعة قطعي دواير وابدئي احشي  بالجبنة الاسطمبولي واقفليها زي القطايف ونزليها علي الفاتحة خليها لتحت ونزليها صنية مدهونة زيت واحشي بالمونزاريلا والزتون واقفلي بنفس الطريقة .
5- القطع اللي هتطلع لميهاوسبيهل ترتاح10دقايق وابدئي افرديها تاني وقطعي دواير وهتفضلي ع كده لغاية متخلصي كل الكمية ممكن تحشي الحشو اللي تحبية مش شرط جبن خلصتي كل الكمية وسبيها تخمر تاني وفي بولة اخلطي اللبن والسكر والقهوة والمية وقلبيهم وادهني الوش بيهم براحة خالص ع الخفيف ورشي ع الوش حبة البركة او سمسم او كمون حصا ودخليها فرن سخن علي 200علي الرف الوسطاني لغاية ميستوي وياخد لون وقدميهم بالف هنا .